İnsan resursları əməliyyatları üzrə aparıcı mütəxəssis

Vəzifə haqqında qısa məlumat

İnsan Resursları Əməliyyatları üzrə Aparıcı Mütəxəssis əməkdaş məlumatlarının aparılması, davamiyyət və iş vaxtı uçotu, əməkhaqqı proseslərinə dəstək, əmək münasibətlərinin inzibati idarə olunması, sığorta üzrə hesabatlılıq və HR uyğunluq tələblərinin yerinə yetirilməsi kimi əməliyyat proseslərinin səmərəli icrasına cavabdehdir.

Bu vəzifəni icra edən əməkdaş HR qeydlərinin dəqiq və düzgün saxlanılmasını təmin edir, əməkhaqqı və audit proseslərinə dəstək verir, HR hesabatlarını vaxtında hazırlayır və əmək münasibətləri ilə bağlı əməliyyat xarakterli məsələlərin həllində iştirak edir.

Əsas vəzifə öhdəlikləri

• Əməkdaşların aylıq iş vaxtı uçotu və davamiyyət hesabatlarını hazırlamaq və yoxlamaq.
• ERP sistemində əməkdaşlara aid məlumatları mütəmadi daxil etmək, yeniləmək və idarə etmək, məlumatların dəqiqliyini, ardıcıllığını və qanunvericilik tələblərinə uyğunluğunu təmin etmək.
• Əməkhaqqı hesablanması üçün təqdim edilmiş məlumatlarla bağlı daxil olan sorğuları cavablandırmaq.
• Əməkhaqqı hesablanması üçün tələb olunan İnsan Resursları məlumatlarını müvafiq şöbəyə təqdim etmək.
• Xəstəlik vərəqələri, analıq məzuniyyətləri və qismən ödənişli sosial məzuniyyət əmrlərini aidiyyəti dövlət informasiya sistemlərində qeydiyyata almaq.
• İstehsalat qəzaları və peşə xəstəlikləri nəticəsində peşə əmək qabiliyyətinin itirilməsi halları ilə bağlı icbari sığorta müqavilələrini gündəlik əsasda yeniləmək.
• Həyatın yığım sığortası üzrə aylıq ödəniş hesabatlarını hazırlamaq və bununla əlaqəli sistem əməliyyatlarını icra etmək.
• İş yerində baş verən intizam pozuntuları üzrə hesabatlar tərtib etmək və rəhbərliyi müvafiq qaydada məlumatlandırmaq.
• Əmək münasibətləri ilə bağlı əməkdaşların və rəhbərliyin suallarını cavablandırmaq, zəruri hallarda məsləhət və dəstək göstərmək.
• Daxili və xarici audit prosesləri zamanı tələb olunan sənəd və məlumatları təqdim etməklə prosesə dəstək olmaq.
• Rəhbərlik üçün aylıq İnsan Resursları hesabatlarını və məlumat xülasələrini hazırlamaq.

Tələb olunan kvalifikasiyalar

• Hüquq, Biznesin İdarə Edilməsi, İnsan Resurslarının İdarə Edilməsi və ya əlaqəli ixtisas üzrə bakalavr dərəcəsi.
• İnsan Resursları sahəsində minimum 5 il iş təcrübəsi, istehsalat mühitində təcrübəsi olan namizədlərə üstünlük verilir.
• Azərbaycan Respublikasının Əmək Məcəlləsi və əmək qanunvericiliyi üzrə dərin biliklərə malik olmaq və bu bilikləri praktik fəaliyyətdə effektiv tətbiq etmək bacarığı.

Tələb olunan bacarıqlar

• İnsan Resursları inzibatçılığı və əmək münasibətləri prosesləri ilə bağlı elektron dövlət informasiya sistemləri və portalları ilə iş təcrübəsi.
• Microsoft Office proqramlarından yaxşı səviyyədə istifadə etmək bacarığı.
• HR əməliyyatlarında tətbiq olunan ERP sistemləri ilə praktiki iş təcrübəsi.
• Analitik düşünmə, təşkilatçılıq, planlaşdırma və koordinasiya bacarıqları, komanda ilə işləmək və effektiv ünsiyyət qurmaq qabiliyyəti.
• Azərbaycan dilində sərbəst ünsiyyət bacarığı, ingilis dili biliyi arzuolunandır.

Müraciət qaydası

Qeyd olunan tələblərə uyğun namizədlərdən CV-lərini Müraciət et düyməsində göstərilən elektron poçt ünvanına göndərmələri xahiş olunur.