Sumqayıt şəhərində yerləşən STP Global Cable MMC SƏTƏM bölməsi üzrə SƏTƏM üzrə kiçik müfəttiş vakansiyasını elan edir. İstehsalat müəssisəsində SƏTƏM sahəsində işləmək istəyən namizədlər müraciət edə bilərlər.
Şirkət haqqında
“STP Global Cable” MMC, STP Şirkətlər Qrupunun tərkibində yaradılmış biznes vahidlərindən biridir və tərkibinə Kabel və Elektrik Avadanlıqları zavodları daxildir. Şirkət həm məhsul çeşidinə, həm də istehsal həcminə görə regionun ən iri kabel və elektrik avadanlıqları istehsalçılarından biri olmaqla yanaşı, xarici bazarda da mühüm müştəri bazasına malikdir. Ümumi istehsal sahəsi 7 hektardan çox qapalı ərazini əhatə edir.
Özünə və peşəkarlığına güvənən, müvafiq sahədə təcrübəsi olan, tələblərə uyğun namizədlər komandaya dəvət olunur.
Namizədə tələblər
- Ali təhsil (əməyin mühafizəsi, texniki, mühəndislik və ya digər uyğun ixtisaslar üzrə təhsil üstünlükdür);
- İstehsalat müəssisələrində SƏTƏM sahəsində minimum 1–2 il iş təcrübəsi arzuolunandır;
- Microsoft Office proqramlarını peşəkar səviyyədə bilməlidir;
- Yüksək ünsiyyət və davranış mədəniyyətinə malik olmalıdır;
- İşgüzar və məsuliyyətli olmalıdır.
Vəzifə öhdəlikləri
- Müəssisədə SƏTƏM tələblərinə, daxili prosedurlara və ISO 45001, ISO 14001 standartlarının tələblərinə əməl olunmasına nəzarət etmək;
- İstehsalat, anbar və yardımçı sahələrdə planlı və növbədənkənar SƏTƏM yoxlamaları aparmaq, aşkarlanmış uyğunsuzluqların aradan qaldırılmasına nəzarət etmək;
- İşçilərin SƏTƏM üzrə təlimatlandırılmasını, FMV-lərdən düzgün istifadəni, yanğın təhlükəsizliyi və fövqəladə hallar üzrə maarifləndirməni həyata keçirmək;
- Fövqəladə hallara hazırlıq, təxliyə planları və praktiki təlimlərin təşkili prosesində iştirak etmək;
- Əmək, sənaye təhlükəsizliyi və ətraf mühit üzrə normativ-hüquqi tələblərə uyğunluğun təmin edilməsində, həmçinin dövlət qurumlarının yoxlamaları üçün sənədlərin hazırlanmasında iştirak etmək.
Sizə nə təklif olunur?
- Ölkənin ən böyük sənaye müəssisələrindən birində işləmək imkanı;
- Adekvat əmək haqqı;
- Təlim və inkişaf məsələlərində şirkətin tam dəstəyi.
Vakansiya aktiv deyil, son elanlara aşağıdan keçid edin
