“Groupone” MMC insan resursları üzrə mütəxəssis vakansiyası üzrə namizəd axtarır.
Vəzifə öhdəlikləri
- Əmək qanunvericiliyinə, daxili qayda və prosedurlara uyğun olaraq işə qəbul, işdən azadetmə, vəzifə dəyişikliyi, transfer və digər kadr əməliyyatlarını icra etmək;
- İşçilərlə bağlı bütün kadr sənədlərini hazırlamaq, qeydiyyatdan keçirmək və arxivləşdirmək;
- Əmək müqavilələrini, əlavələri, əmrləri və digər kadr sənədlərini tərtib etmək;
- İşçilərə dair dəyişiklikləri aidiyyəti dövlət portallarına vaxtında və düzgün şəkildə daxil etmək;
- Əmək kitabçalarının uçotunu aparmaq, yeni əmək kitabçalarını açmaq və ehtiyac olduqda doldurmaq;
- Məzuniyyət qrafikini hazırlamaq, məzuniyyətləri izləmək və uçotunu aparmaq;
- İşçilərin şəxsi işlərini formalaşdırmaq, yeniləmək və arxivləşdirmək;
- İşçilərin müraciətləri əsasında arayış, xasiyyətnamə və digər rəsmi sənədləri hazırlamaq;
- Filial rəhbərləri ilə sıx əməkdaşlıq edərək işçi heyəti ilə bağlı məsələlərin həllinə dəstək vermək;
- Yeni əməkdaşların işə qəbul və adaptasiya prosesini koordinasiya etmək;
- Vakansiya elanlarını hazırlamaq və paylaşmaq;
- Namizədlərin ilkin dəyərləndirilməsini aparmaq, müsahibələri təşkil etmək və seçim prosesində iştirak etmək;
- Əcnəbi əməkdaşlarla bağlı miqrasiya sənədlərini hazırlamaq, izləmək və miqrasiya proseslərini koordinasiya etmək;
- Miqrasiya ilə bağlı icazələrin, qeydiyyat və digər zəruri sənədlərin müddətlərinə nəzarət etmək və yenilənmə prosesini təşkil etmək;
- İşçilərin gündəlik davamiyyətini izləmək, tabel məlumatlarını hazırlamaq və aidiyyəti üzrə təqdim etmək;
- Restoran əməliyyat komandası ilə sıx əməkdaşlıq edərək işçi ehtiyaclarının vaxtında qarşılanmasını təmin etmək;
- HR hesabatlarını hazırlamaq və rəhbərliyə təqdim etmək;
- İşçi intizamı, daxili qaydalar və əmək münasibətləri ilə bağlı məsələlərin operativ həllinə dəstək göstərmək.
Namizədə dair tələblər
- Ali təhsil, idarəetmə, biznesin təşkili və ya əlaqəli sahə üzrə olması üstünlükdür;
- Restoran və ya hotel sahəsində insan resursları üzrə minimum 3-4 il iş təcrübəsi;
- Azərbaycan Respublikasının Əmək Məcəlləsini yaxşı səviyyədə bilmək;
- MS Office proqramlarında, xüsusilə MS Excel-də yaxşı işləmək bacarığı;
- Azərbaycan və rus dillərində şifahi və yazılı bilik mütləqdir;
- Güclü ünsiyyət, təşkilatçılıq və koordinasiya bacarığı;
- Komandada işləmək və eyni zamanda müstəqil qərar vermək bacarığı;
- Məsuliyyətli, təşəbbüskar, detallara diqqətli və operativ olmaq;
- Çoxşaxəli iş mühitində işləmək bacarığı;
- İşində motivasiyalı, öyrənməyə açıq və təşəbbüskar olması arzu olunur.
İş şəraiti
- İş saatları: 09:00 – 18:00;
- Nahar fasiləsi: 13:00-14:00;
- İstirahət günü: Şənbə, Bazar;
- İş yeri: Bakı şəhəri, Globus Center (baş ofis), vəzifə üzrə iş fəaliyyəti restoranın filiallarında aparılacaq;
- Nahar şirkət tərəfindən verilir;
- Əmək haqqı: 900-1000 AZN.
Müraciət qaydası
Uyğun namizədlər öz CV-lərini “İnsan Resursları üzrə mütəxəssis” başlığı ilə Müraciət et düyməsində qeyd olunan elektron poçt ünvanına göndərə bilərlər.
