İR və İnzibati işlər departamenti çərçivəsində Ağcabədi, Beyləqan və Füzuli rayonlarını əhatə edən bölgə üzrə insan resursları əməliyyatlarını peşəkar səviyyədə idarə edə biləcək İnsan Resursları üzrə Mütəxəssis vəzifəsinə müraciətlər qəbul edilir.
İş Şəraiti
- Struktur vahid: İR və İnzibati işlər departamenti
- Birbaşa rəhbər: İR və İnzibati işlər departamentinin rəhbəri
- İş yeri: Ağcabədi, Beyləqan, Füzuli
- İş qrafiki: 6 günlük iş həftəsi — həftənin 1–5-ci günləri 09:00–17:00, 6-cı gün 09:00–13:00
Vəzifə Öhdəlikləri
- Ağcabədi, Beyləqan və Füzuli üzrə işə qəbul, işdən çıxarılma, məzuniyyət, ezamiyyət və davamiyyət proseslərini əhatə edən tam HR dövriyyəsinin idarə olunması
- Əmək müqavilələrinin, əlavə razılaşmaların və xitam sənədlərinin müvafiq qaydada və vaxtında hazırlanması
- ƏMAS sisteminə məlumatların düzgün daxil edilməsi və mütəmadi yoxlanılması
- İşçilərə aid şəxsi işlərin formalaşdırılması, arxivə verilməsi və HR yoxlamalarına hazır vəziyyətdə saxlanılması
- Şəxsi məlumatların məxfiliyinin təmin edilməsi və məlumat təhlükəsizliyi tələblərinə əməl olunması
- Müsahibələrin təşkili, nəticələrin sənədlərə köçürülməsi və seçilmiş namizədlərlə rəsmi yazışmaların aparılması
- Davamiyyət cədvəllərinin hazırlanması, yoxlanılması və aylıq hesabatların müvafiq müddətdə təqdim edilməsi
- İllik məzuniyyət planının tərtib edilməsi və faktiki icrasına nəzarətin həyata keçirilməsi
- Şirkətin proqram təminatında əməkdaşların iş qrafiklərinin və əmək fəaliyyətinə dair digər məlumatların daxil edilməsi, zəruri düzəliş və dəyişikliklərin aparılması
- HR sənədlərinin korporativ standartlara uyğun olaraq arxivləşdirilməsi və elektron sistemdə saxlanması
Namizədə Tələblər
- Ali təhsil — idarəetmə, biznes, hüquq və ya əlaqəli ixtisas üstünlük təşkil edir
- İnsan resursları sahəsində minimum 3 illik iş təcrübəsi
- Azərbaycan Respublikasının Əmək Məcəlləsi üzrə yetərli biliyə sahib olmaq
- ƏMAS və İSB portalları da daxil olmaqla Elektron Hökumət platformaları ilə işləmə bacarığı
- HR sənədlərinin idarə olunması və arxivləşdirmə sahəsində praktik bacarıq
- Sıx iş tempində tapşırıqları keyfiyyətlə və vaxtında yerinə yetirmə qabiliyyəti
- Müstəqil düşüncə tərzi, komanda işinə uyğunluq, məsuliyyətlilik, dəqiqlik və proaktiv yanaşma
- Azərbaycan dilini səlis bilmək; ingilis dili bilikləri arzuolunandır
- 1C/ERP və MS Office proqramlarını istifadəçi səviyyəsində bilmək
Şirkətin Təklifləri
- Rəqabətqabiliyyətli əməkhaqqı və nəticəyə əsaslanan bonus sistemi
- Korporativ tibbi sığorta paketi
- Peşəkar inkişaf və liderlik proqramları
- Yerli və beynəlxalq təlimlərdə iştirak imkanı
- Karyera irəliləyişi və qrup daxilində rotasiya perspektivləri
- Geniş miqyaslı aqrar-sənaye layihələrinin bir hissəsi olmaq fürsəti
- Dinamik və strateji idarəetmə mühitində çalışmaq imkanı
- Qrup daxili xüsusi güzəştlərdən yararlanmaq hüququ
Vakansiya aktiv deyil, son elanlara aşağıdan keçid edin
