iOS (SwiftUI) üzrə Senior Developer

İnnovasiya və Rəqəmsal İnkişaf Agentliyi ölkənin rəqəmsal transformasiya prioritetlərinə uyğun olaraq, dövlət xidmətlərinin mobil platformalarda yüksək texnoloji standartlar əsasında təqdim olunmasına və rəqabətədavamlı rəqəmsal həllərin inkişafına töhfə vermək üçün iOS (SwiftUI) üzrə Senior Developer vakansiyası elan edir.

Vəzifənin əsas öhdəlikləri

• Ölkənin rəqəmsal inkişaf istiqamətlərinə töhfə vermək və müasir texnoloji həllərin tətbiqində iştirak etmək.
• Swift və SwiftUI texnologiyalarından istifadə etməklə iOS tətbiqlərinin hazırlanmasını həyata keçirmək.
• Süni intellekt alətlərinin proqramlaşdırma prosesinə inteqrasiyasını təmin etmək.
• iOS tətbiqlərinin arxitekturasının formalaşdırılmasında iştirak etmək və proqram təminatının arxitekturası üzrə əsaslandırılmış texniki qərarlar qəbul etmək.
• Biznes məqsədlərini texnoloji imkanlarla uzlaşdıraraq rəqəmsal məhsulların hazırlanmasına töhfə vermək.
• Kod keyfiyyətini qorumaq, performans və miqyaslana bilənlik üzrə ən yaxşı yanaşmaları tətbiq etmək, həmçinin AI alətlərindən səmərəli istifadəni təmin etmək.
• Unit test və UI testlərin hazırlanması prosesində iştirak etmək.
• Proqram təminatının sabit və dayanıqlı işləməsinə nəzarət etmək.
• Git versiya idarəetmə sistemi vasitəsilə kod bazasını idarə etmək və zəruri hallarda proseslərin avtomatlaşdırılmasını həyata keçirmək.
• Product owner-lər, İT biznes analitikləri, dizaynerlər və digər krosfunksional komandalarla sıx əməkdaşlıq etmək.
• Komanda daxilində texnoloji yenilikləri izləmək, trendləri müəyyən etmək və onların tətbiqinə təşəbbüs göstərmək.
• Komanda üzvlərinə mentorluq etmək və onların peşəkar inkişafını dəstəkləmək.

Biznes və ümumi bacarıqlar

• iOS inkişafı sahəsində minimum 5 il, o cümlədən senior səviyyədə ən azı 2 il iş təcrübəsi.
• Texniki həllərin biznes məqsədlərinə və istifadəçi təcrübəsinə necə təsir etdiyini anlamaq və bu istiqamətdə dəyər yaratmaq bacarığı.
• Komandadakı digər proqramçıları yönləndirmək, mentorluq etmək və texniki qərarlara görə məsuliyyət daşımaq qabiliyyəti.
• Dizayn, məhsul və backend komandaları ilə effektiv kommunikasiya qurmaq və Agile yanaşmalarına uyğun inkişaf proseslərinə töhfə vermək bacarığı.
• Problemləri analitik şəkildə qiymətləndirmək və biznes üçün uyğun həll variantları hazırlamaq bacarığı.

Texniki bacarıqlar

• Swift proqramlaşdırma dili üzrə peşəkar səviyyədə bilik.
• SwiftUI və UIKit ilə qabaqcıl səviyyədə işləmək bacarığı.
• Gemini, Apple Intelligence, Claude Code, GitHub Copilot, Cursor, ChatGPT və digər süni intellekt alətlərindən proqramlaşdırma prosesində səmərəli istifadə etməklə iş məhsuldarlığını artırmaq bacarığı.
• Layihələrdə AI alətlərinin daha effektiv istifadəsi üçün düzgün təlimat və qaydalar hazırlamaq, həmçinin bu istiqamətdə real iş təcrübəsinə malik olmaq.
• MVVM, VIPER və MVC arxitekturaları üzrə dərin bilik və praktik tətbiq təcrübəsi.
• CoreData ilə yüksək səviyyədə işləmək bacarığı.
• GCD və async/await yanaşmaları üzrə dərin anlayış.
• RESTful API inteqrasiyası və bu interfeyslərlə işləmək təcrübəsi.
• Git alətlərindən istifadə bacarığı.
• Postman və digər API test alətləri ilə işləmək təcrübəsi.
• Dizayn pattern-ləri üzrə güclü nəzəri və praktiki bilik.
• OOP və SOLID prinsiplərinə uyğun təmiz, optimallaşdırılmış və dayanıqlı kod yazmaq bacarığı.

Üstünlük verilən meyarlar

• Combine framework ilə real layihələrdə iş təcrübəsi.
• Unit Test və UI Test yazmaq bacarığı.
• CI/CD proseslərinin qurulması və avtomatlaşdırılması üzrə təcrübə.
• Firebase Cloud, SonarQube, Snyk, Elastic APM və OpenTelemetry kimi analitika və performans alətləri ilə işləmək bacarığı.