İşə qəbul üzrə mütəxəssis (rekrutinq)

Bakıda işə qəbul üzrə mütəxəssis (rekrutinq) vakansiyası üzrə yeni komanda üzvü axtarılır. Bu HR işi namizəd axtarışı, müsahibələrin təşkili və işə qəbul proseslərinin idarə olunmasını əhatə edir.

Vəzifə öhdəlikləri

• Namizədlərin axtarılması və müsahibələrin aparılması;
• İş elanlarının hazırlanması və yayımlanmasına dəstək göstərilməsi;
• Platformalar, tövsiyələr və sosial media vasitəsilə aktiv namizəd axtarışı;
• CV-lərin ilkin seçimi və müsahibəyə dəvət olunacaq namizədlərin müəyyən edilməsi;
• İlkin müsahibələrin keçirilməsi və nəticələrin sənədləşdirilməsi.

Müsahibələrin planlaşdırılması və koordinasiya

• Struktur rəhbərləri ilə müsahibələrin təşkil edilməsi;
• Namizədlərə təsdiqlərin göndərilməsi;
• Namizədlərlə yazışmaların və telefon zənglərinin həyata keçirilməsi;

Proseslərin və layihələrin idarə olunması

• Mövsümi və kütləvi işə qəbul layihələrinin təşkilində və icrasında iştirak;
• Təcrübə proqramları və karyera sərgilərində iştirak;
• Sınaq müddətlərinin izlənilməsi və təlimlərin təşkili;
• Yeni işə qəbul edilmiş əməkdaşlar üçün giriş (onboarding) və SƏTƏM təlimlərinin planlaşdırılması, təşkili və icrası;
• Yeni əməkdaşların sınaq müddəti ərzində fəaliyyətinin izlənilməsi, struktur rəhbərləri ilə koordinasiyada qiymətləndirmə rəylərinin toplanması və təhlil edilməsi;
• Sınaq müddətinin nəticələrinə əsasən əməkdaşın işə davamı, sınaq müddətinin uzadılması və ya əmək münasibətlərinin davam etdirilməməsi ilə bağlı prosesin tamamlanması.

Tələblər

• Ali təhsil;
• Müvafiq sahədə 3 ildən çox iş təcrübəsi, F&B, pərakəndə və xidmət sahələrində təcrübə üstünlükdür;
• 30-45 yaş aralığı;
• Müsahibə texnikaları və metodları üzrə praktiki biliklər;
• MS Office proqramları, xüsusilə Word və Excel üzrə baza bilikləri;
• İnkişafa açıq olmaq, komandada və dinamik iş mühitində işləyə bilmək;
• Effektiv ünsiyyət, təhlil və vaxtın düzgün idarə olunması bacarığı;
• Planlama və prioritetləri müəyyənləşdirmə bacarığı.

Şəxsi keyfiyyətlər

• Stressə davamlılıq;
• Məsuliyyətlilik və dəqiqlik;
• Analitik düşüncə.

İş şəraiti

• İş qrafiki: 6 günlük;
• Əmək haqqı: namizədin təcrübəsi və bilik bacarığına uyğun, 1200 AZN – 1500 AZN;
• Nahar və korporativ mobil nömrə şirkət tərəfindən təmin edilir;
• Ünvan: Binəqədi rayonu, Sulutəpə qəsəbəsi, Ruslan Abdullayev küçəsi, döngə 9/21D.

Maraqlanan namizədlər CV-lərini Müraciət et düyməsində göstərilən elektron poçt ünvanına göndərə bilərlər.