İT xidmətləri üzrə mütəxəssis

“PAŞA Technology” MMC Bakı şəhərində İT xidmətləri üzrə mütəxəssis vakansiyası təqdim edir. Vəzifə İT dəstək, insidentlərin idarə edilməsi və texniki sorğuların operativ icrası işlərini əhatə edir.

Şirkət haqqında

“PAŞA Technology” Məhdud Məsuliyyətli Cəmiyyəti 2018-ci ildə İT xidmətləri provayderi kimi yaradılıb.

Şirkətin əsas məqsədi “PAŞA Holding” MMC-nin törəmə şirkətləri üçün və Azərbaycan bazarında İT xidmətləri, “Cloud Computing”, kiber təhlükəsizlik əməliyyatları və məlumatların emalı mərkəzinin idarə edilməsi xidmətlərini göstərməkdir.

Hazırda “PAŞA Technology” MMC “İT xidmətləri üzrə mütəxəssis” vəzifəsi üçün işçi axtarır.

Əsas öhdəliklər

• İnsidentlərin idarə olunması üçün 1-ci səviyyəli dəstək göstərmək, son istifadəçi avadanlıqları, periferiya qurğuları, proqram təminatı və tətbiqlərlə bağlı sorğuları icra etmək;
• Müvafiq bilet sistemində qeydə alınan İT Dəstək Xidməti sorğularına nəzarət etmək və onlara operativ cavab vermək;
• Təsdiqlənmiş proqram buraxılışlarına uyğun olaraq təkmilləşdirmələr və konfiqurasiya daxil olmaqla müştəri hesablama resurslarını saxlamaq;
• Təsdiq edilmiş proqram təminatı siyahısına, təşkilati tələblərə və biznes proseslərinə uyğun şəkildə yeni istifadəçilərin müştəri təşkilatlarına əlavə olunmasına kömək etmək;
• Aktivlərin idarəetmə sistemlərində avadanlıqların, proqram təminatının, lisenziyaların və abunəliklərin yenilənməsini və ən son inventarının saxlanılmasını təmin etmək;
• Təlimatlara uyğun olaraq təsirin azaldılması və bərpa işlərinə dəstək vermək;
• NOC tərəfindən bağlanan əsas işlər üzrə İnsident Sonrası Təhlildə iştirak etmək;
• Ümumi şəbəkə problemlərini ayırd etmək və diaqnostika aparmaq üçün şəbəkə nasazlıqlarını aşkar etmək;
• İdarə olunan xidmətlərlə bağlı texniki yardım üçün telefon və digər elektron vasitələrlə daxil olan sorğulara cavab vermək;
• İnsident idarəetməsi üzrə sorğulara xidmət səviyyəsi haqqında müqavilələr çərçivəsində vaxtında cavab vermək və icrasını təmin etmək;
• Fəaliyyətləri “PAŞA Technology ticket system”-də sənədləşdirmək və məlumatların daxili tərəfə, eləcə də müştərilərə düzgün ötürülməsini təmin etmək;
• Müştərilərin idarə olunan cihazları vasitəsilə şəbəkə və ya bulud resurslarına çıxışı ilə bağlı ehtiyac və suallarını cavablandırmaq;
• Müəyyən edilmiş siyasət, prosedur və təhlükəsizlik praktikalarına riayət etmək;
• Problemləri müstəqil şəkildə həll etmək və eskalasiya prosedurlarını bilmək;
• İTİL, problemlərin idarə olunması, texniki dəstək xidmətinin idarə olunması, dəyişikliklərin idarə olunması, əməliyyatların monitorinqi və fəaliyyətin məruzə edilməsi üzrə proses və siyasətlərə davamlı dəstək vermək və uyğunluğu təmin etmək;
• Əməliyyat səmərəliliyi, tapşırıqlar və layihələri müzakirə etmək üçün tərəfdaşlarla mütəmadi rəsmi görüşlərdə iştirak etmək;
• Təkrarlanan insidentlər, problemlər və çatdırılmayan layihə mərhələləri barədə xidmət şöbəsinin rəhbərinə / İnfrastruktur rəhbərinə məlumat vermək.

Tələb olunan bilik və bacarıqlar

Təhsil:

• Texniki sahədə ali təhsil;
• Mühəndislik və ya digər texniki sahələr üzrə dərəcə üstünlükdür.

Təcrübə və bacarıqlar:

• Texniki dəstək və ya oxşar vəzifədə minimum 2 il iş təcrübəsi;
• İnsanlarla ünsiyyətə açıq və ünsiyyətcil olmaq;
• Baza səviyyəsində şəbəkə diaqnostikası bacarıqları;
• Baza Linux CLI bacarıqları;
• Baza Windows Əməliyyat Sistemi bacarıqları;
• Gərgin komandada işləmək, tez öyrənmək və bir neçə məsələnin öhdəsindən gəlmək bacarığı;
• Güclü analitik yanaşma və müxtəlif mənbələrdən məlumat toplamaq, təhlil etmək və şərh etmək bacarığı;
• Qüsurları qiymətləndirmək, prioritetləşdirmək, uyğun şəkildə cavab vermək və ya eskalasiya etmək bacarığı;
• Biliyi artırmaq və özünü inkişaf etdirmək təşəbbüsü;
• Gündəlik əməliyyatlarda dürüstlük və işi düzgün qaydada icra etmək;
• Əməliyyat keyfiyyətini dəstəkləmək;
• Təşkilat daxilində həmkarlar və təchizatçılar/ortaqlar arasında sıx əməkdaşlıq prinsiplərini dəstəkləmək.

Kompüter bilikləri

• Microsoft Windows OS, MAC OS, Linux əməliyyat sistemlərində işləmək bacarığı üstünlükdür;
• MS Office proqramları, Microsoft Bulud məhsulları və abunəlikləri ilə işləmək bacarığı;
• Data Mərkəz mühiti və Tier standartları barədə biliklər üstünlükdür;
• Bulud modelləri və bulud məlumat təhlükəsizliyi barədə biliklər üstünlükdür.

Dil bilikləri

• Azərbaycan, Rus və İngilis dillərində sərbəst ünsiyyət qurmaq.

Müraciət qaydası

Müraciət etmək istəyən namizədlər CV-lərini “Müraciət et” düyməsində göstərilən elektron poçt ünvanına göndərə bilərlər. E-poçtun mövzu hissəsində vakansiyanın adını qeyd etmək lazımdır.

İşə qəbul prosesinin növbəti mərhələsi üçün vakansiya tələblərinə uyğun namizədlərlə əlaqə saxlanılacaq.