Korporativ işlər üzrə hüquqşünas

FINCA Azerbaijan Qeyri-Bank Kredit Təşkilatı baş ofis üçün korporativ işlər üzrə hüquqşünas axtarır.

Vəzifənin əsas öhdəlikləri

• Müqavilələrə və digər hüquqi sənədlərə hüquqi baxış keçirmək.
• Standart müqavilə formalarını hazırlamaq, standart və qeyri-standart müqavilələrin hüquqi ekspertizasını aparmaq.
• Şirkət rəhbərliyinə, struktur bölmələrə, o cümlədən filiallara hüquqi yardım göstərmək, daxil olan sorğular üzrə rəy və izahatların hazırlanmasına dəstək vermək.
• Təşkilat daxilində qanunvericilik və korporativ aktların tələblərinin düzgün tətbiqinə nəzarətdə iştirak etmək.
• Azərbaycan qanunvericiliyində, xüsusən maliyyə və korporativ sahələrə aid dəyişikliklərdən, düzəlişlərdən və yeniliklərdən xəbərdar olmaq.
• Qanunvericilikdəki dəyişikliklərin şirkətin fəaliyyətinə təsirini təhlil etmək və uyğunluq üçün vaxtında tövsiyələr vermək.
• Hüquqi yenilikləri daxili maraqlı tərəflərə çatdırmaq, şirkətin siyasət və prosedurlarının mövcud hüquqi tələblərə uyğun olmasına töhfə vermək.
• Maliyyə məhsullarına hüquqi baxış keçirmək.
• Dövlət orqanları və təşkilatlarla yazışmalar aparmaq.
• Hüquqi məsələlər üzrə məktub, ərizə və şikayətlərə müəyyən olunmuş müddətdə cavabların hazırlanmasına nəzarət etmək.
• Korporativ hüquqi layihələrin hazırlanmasında iştirak etmək.
• Korporativ hüquq fəaliyyəti ilə bağlı təlimat, qayda və iş prosedurlarının layihələrini hazırlamaq, bu sənədlərin təkmilləşdirilməsi üzrə təkliflər vermək və aidiyyəti struktur bölmələrlə razılaşdırmaq.
• Təlimat, Qayda və Prosedurların ekspertizasını aparmaq və rəy bildirmək.
• Nizamnamə və idarəetmə orqanlarının əsasnamələrinin, eləcə də bu sənədlərə əlavə və dəyişikliklərin hazırlanmasını həyata keçirmək, onların müvafiq dövlət orqanlarında qeydiyyata alınmasını təmin etmək.
• Bütün əqdlərin, o cümlədən beynəlxalq müqavilə və sazişlərin hüquqi ekspertizasını aparmaq və rəy vermək.
• Keçirilmiş yoxlamaların nəticələrinə dair materialları araşdırmaq, qanunvericiliyin pozulmasına səbəb olan və ya ola biləcək halların aradan qaldırılması üçün təkliflər vermək.

Namizədə tələblər

• Hüquq üzrə bakalavr dərəcəsi. Magistr dərəcəsi, LLM və MBA üstünlükdür.
• Bank sahəsində iş təcrübəsi üstünlük hesab olunur.
• Minimum 1-3 il iş təcrübəsi, xüsusən müqavilə, beynəlxalq müqavilənin tərtibi və ya ekspertizası üzrə.
• Mülki, əmək və bank qanunvericiliyi üzrə geniş hüquqi biliklər.
• Azərbaycan dili sərbəst, ingilis dili yaxşı səviyyədə, rus dili üstünlükdür.
• Microsoft Office proqramlarında əla bacarıq, xüsusilə Word, Excel və PowerPoint.

Bacarıqlar

• Analitik düşüncə
• Ünsiyyət bacarığı
• Təfərrüata diqqət
• Problemlərin həlli
• Layihə idarəetməsi

İş şəraiti

• Vakansiya növü: Tam ştat
• İmtiyaz: Tibbi sığorta, işçini əhatə edir