Bakıda fəaliyyət göstərən maliyyə qrupuna Korporativ işlər üzrə Hüquqşünas vəzifəsi üzrə əməkdaş axtarılır. Vəzifə bank olmayan kredit təşkilatı (BOKT), lizinq və holding strukturu çərçivəsində korporativ, müqavilə və tənzimləyici hüquq sahələrini əhatə edir.
Namizədə Tələblər
- Hüquqşünaslıq ixtisası üzrə ali təhsil;
- BOKT, bank və ya lizinq sahəsində korporativ hüquqşünas vəzifəsində 2-4 il iş təcrübəsi;
- Azərbaycan Respublikasının Mülki Məcəlləsi üzrə dərin biliklər — xüsusilə əşya hüququ, lizinq hüququ, öhdəliklər və müqavilələr hüququ sahələrində;
- Korporativ hüquq, İnzibati Xətalar Məcəlləsi və “Bank olmayan kredit təşkilatları haqqında” Qanununu əhatəli bilmək;
- Mərkəzi Bank (AMB) və Maliyyə Bazarlarına Nəzarət Palatası tərəfindən BOKT-lar üçün müəyyənləşdirilmiş normativ-hüquqi bazaya tam bələdlik;
- Azərbaycan dilində şifahi və yazılı hüquqi ünsiyyət bacarığı — mükəmməl səviyyədə; rus və ya ingilis dilini bilmək üstünlük sayılır.
Vəzifə Öhdəlikləri
Korporativ İdarəetmə
- Səhmdarların (təsisçilərin) ümumi yığıncaqlarının, Müşahidə Şurası və İdarə Heyəti iclaslarının hüquqi baxımdan təşkili;
- Gündəliklərin, protokolların və qərarların layihələrinin hazırlanması — nizamnamə kapitalının artırılması/azaldılması, filialların açılması məsələləri daxil olmaqla.
Tənzimləyici Uyğunluq
- BOKT fəaliyyətini tənzimləyən prudensial tələblərin hüquqi ekspertizası və AMB ilə işgüzar koordinasiyanın aparılması;
- Yeni tənzimləyici dəyişikliklərin daxili siyasətlərə — Kredit, Lizinq, Risklərin İdarə Edilməsi və PL/ƏMTK qaydalarına — inteqrasiyasının təmin edilməsi.
Qrupdaxili Əməliyyatlar
- Holdinq strukturunda şirkətlər arasında həyata keçirilən əqdlərin — proqram təminatı, İT infrastruktur və lisenziyaların devri, borcun köçürülməsi kimi — Mülki Məcəllənin tələblərinə və transfer qiymətqoyma qaydalarına uyğun rəsmiləşdirilməsi.
Müqavilə Hüququ və Risk İdarəetməsi
- Kənd təsərrüfatı texnikası, avtomobil və digər lizinq obyektlərinin xarici və yerli dilerlərdən alınması üzrə müqavilələrin tərtibi;
- Təhvil-təslim, zəmanət şərtləri və fors-major hallarında şirkətin “Alıcı” qismindəki hüquqi risklərinin idarə edilməsi.
Kredit və Lizinq Sənədləşməsi
- Üçtərəfli lizinq sxemləri, ipoteka, girov, zaminlik və standart kredit müqavilələrinin hazırlanması;
- Müqavilələrin notarial qaydada təsdiqi prosesinə nəzarətin həyata keçirilməsi.
İş Şərtləri
- Əmək haqqı: müsahibə nəticəsinə əsasən müəyyənləşdirilir;
- İş rejimi: tam iş günü, həftə içi 5 gün;
- İş saatları: 08:30 – 17:30;
- Ünvan: Ziya Bünyadov küçəsi 1965, “Çinar Park” Biznes Mərkəzi, 1-ci bina, 3-cü mərtəbə, Bakı.
Müraciət Qaydası
Tələblərə uyğun namizədlər CV-lərini e-poçtla göndərərkən mövzu sətrinə “Korporativ işlər üzrə Hüquqşünas” yazmalıdırlar. Həmçinin careers.ram.az portalı üzərindən də müraciət qəbul edilir. Yalnız uyğun hesab edilən namizədlərlə əlaqə saxlanılacaqdır.
