Marketinq akkaunt menecer

Bakı üzrə marketinq akkaunt menecer vakansiyası elan olunur. Bu vəzifə brendlərin marketinq planlarının icrası, kampaniyaların idarə olunması və media planlarının koordinasiyasını əhatə edir.

Vəzifənin təsviri

Marketinq Akkaunt Menecer ona həvalə edilən brendlər üçün marketinq planlarının həyata keçirilməsinə cavabdeh olur. O, bütün fəaliyyətlərin brend qaydalarına, marketinq KPI-larına və biznes məqsədlərinə uyğun icrasını təmin edir. Birbaşa rəhbərin nəzarəti altında marketinq fəaliyyət planları, media planları və kampaniya planları hazırlayır, hədəf auditoriyaya 360 dərəcə kampaniyalar vasitəsilə çıxış edir. Bir sıra marketinq tədbirlərini idarə edir və birgə şəkildə həyata keçirir. Bunlara birbaşa mesajlaşma, rəqəmsal və ənənəvi reklam, PR, tədbirlər, aktivasiya layihələri, eləcə də influencer və təşkilatlarla əməkdaşlıq daxildir. Brendlə təşkilat arasında əsas əlaqələndirici şəxs kimi çıxış edir və media satınalmasını koordinasiya edir.

Öhdəliklər

Marketinq planlaşdırması və icrası

• Həvalə olunmuş brendlər üzrə detallı marketinq fəaliyyət və media planları hazırlamaq,
• Rəqəmsal, sosial media, e-mail, çap, açıq hava və tədbirlər daxil olmaqla müxtəlif kanallar üzrə inteqrasiya olunmuş marketinq kampaniyalarını planlaşdırmaq və həyata keçirmək,
• Media satınalma prosesini idarə etmək, brend təlimatlarına uyğun marketinq materiallarının hazırlanması və çatdırılmasına nəzarət etmək.

Kampaniyaların idarə olunması

• Kampaniyaların icrasını idarə etmək və daxili komandalarla xarici tərəfdaşlar arasında koordinasiyanı təmin etmək,
• Kampaniya nəticələrini təhlil etmək və izləmək, lazım gəldikdə dəyişikliklər etmək,
• Campaign büdcəsini idarə etmək, resurslardan səmərəli istifadəni təmin etmək və ROI-nin müsbət olmasına nail olmaq.

Müştəri ilə əməkdaşlıq

• Brend tərəfdaşları, daxili komandalar, müştərilər və təchizatçılar daxil olmaqla əsas maraqlı tərəflərlə güclü münasibətlər qurmaq və saxlamaq,
• Müştəri məmnuniyyətini, sədaqətini və əlaqəliliyini artırmaq üçün tədbirlər, aktivasiya layihələri və kampaniyalar təşkil etmək,
• Marketinq materialları və məzmunun yaradılması, hazırlanması və idarə edilməsini həyata keçirmək.

Tələblər

Professional biliklər

• Marketinq planlaşdırılması, kampaniya idarəçiliyi, media planları və brend kommunikasiyaları üzrə biliklər. Bu tələbin yerinə yetirilməsi üçün CV-də marketinq fəaliyyət və media planlarının hazırlanması, inteqrasiya olunmuş kampaniyaların icrası, digital və sosial media, PR, tədbirlər, aktivasiya layihələri, influencer əməkdaşlığı, media satınalma və ya agentlik və təchizatçı koordinasiyası üzrə iş təcrübəsinin göstərilməsi kifayətdir.
• İngilis dili biliyi B1 (intermediate) və daha yüksək səviyyədə olmalıdır, rus dili isə arzuolunandır.
• MS Office proqramlarında işləmək bacarığı.

Təhsil

• Ali təhsil tələb olunur. Marketinq, brend idarəetməsi, dizayn, kommunikasiya, biznes və ya əlaqəli sahə üzrə təhsil üstünlükdür. Həmçinin beynəlxalq marketinq, rəqəmsal marketinq, brend menecment, data analitikası və marketinq kommunikasiyaları üzrə müvafiq sertifikat da qəbul edilir.

İş təcrübəsi

• Marketinq, brend marketinqi, kampaniya idarəçiliyi, rəqəmsal marketinq, akkaunt menecmenti və ya marketinq kommunikasiyaları sahəsində ən azı 2 il iş təcrübəsi.
• Moda, pərakəndə satış brendləri, kreativ sahə və ya agentlik mühiti üzrə təcrübə arzuolunandır.

Professional bacarıq və kompetensiyalar

• Güclü layihə idarəetməsi və təşkilati bacarıqlar
• Əla kommunikasiya və insanlarla münasibət bacarıqları
• Peşəkar marketinq, kampaniya və büdcə planlaşdırma qabiliyyəti
• Rəqəmsal marketinq, məzmun yaradılması və ya data analitikası alətləri üzrə bacarıq