Vəzifənin məqsədi
Şirkətin məhsul portfeli üzrə bilik səviyyəsinin artırılması, əməkdaşların texniki xüsusiyyətlər, üstünlüklər və istifadə qaydaları üzrə inkişafına dəstək, habelə məhsul təlim proqramlarının hazırlanması və icrasının təmin edilməsi.
Vəzifə öhdəlikləri
- Məhsullar üzrə təlim proqramları hazırlamaq və keçirmək;
- Yeni məhsulların satışa çıxarılması zamanı məhsul təqdimatları və məlumatlandırıcı sessiyalar təşkil etmək;
- Məhsulların texniki xüsusiyyətləri, funksiyaları və üstünlükləri üzrə təlim materialları — təqdimatlar, video təlimlər, testlər, təlimat kitabçaları və s. — hazırlamaq və müntəzəm yeniləmək;
- Satış və mağaza heyətinin məhsul biliklərini qiymətləndirmək, inkişaf sahələrini müəyyənləşdirmək;
- Təlim sonrası bilik yoxlamaları və qiymətləndirmələr aparmaq;
- Mağaza və region ziyarətləri çərçivəsində praktiki təlimlər keçirmək;
- Məhsul üstünlükləri, texniki xüsusiyyətlər və istifadə qaydalarının əməkdaşlara düzgün çatdırılmasını təmin etmək;
- Təchizatçılar və məhsul nümayəndələri ilə əməkdaşlıq edərək məhsul təlimlərinin təşkilinə dəstək vermək;
- Yeni məhsullar üzrə təlim planları hazırlamaq və tətbiqini izləmək;
- Təlim fəaliyyəti üzrə hesabatlar hazırlamaq və rəhbərliyə təqdim etmək;
- Yeni işçilərin onboarding proqramı daxilində məhsul təlimlərini həyata keçirmək.
Namizədə tələblər
- Ali təhsil — Biznesin idarə edilməsi, Marketinq, İqtisadiyyat və ya əlaqəli sahə üzrə;
- Təlim, retail, məhsul menecmenti, kateqoriya idarəetməsi və ya oxşar sahədə 1-3 il iş təcrübəsi; telefon, aksesuar, məişət texnikası və elektronika sektorunda təcrübə üstünlük sayılır;
- Məhsul təlimlərinin hazırlanması və aparılması üzrə praktiki təcrübə;
- Məhsulların texniki xüsusiyyətlərini və funksional üstünlüklərini öyrənmək və təqdim etmək bacarığı;
- Təlim metodologiyaları və böyüklərin öyrənməsi prinsipləri üzrə biliklər;
- Məhsul təqdimatı və auditoriya idarəetmə bacarığı;
- Təlim ehtiyaclarının müəyyənləşdirilməsi və bilik qiymətləndirmələrinin aparılması bacarığı;
- MS Office — xüsusilə PowerPoint və Excel — üzrə sərbəst istifadə bacarığı;
- Hesabat hazırlama və təqdimat bacarıqları;
- Güclü ünsiyyət qabiliyyəti, analitik düşüncə tərzi;
- Komanda ilə işləmək, təşkilatçılıq və planlama bacarıqları;
- Məsuliyyətli, nəticəyönümlü yanaşma, detallara diqqət;
- Ezamiyyət və region səfərlərinə hazır olmaq;
- Azərbaycan dilini sərbəst bilmək; rus dili biliyi üstünlük sayılır; ingilis dili texniki sənəd və məhsul materialları ilə iş üçün üstünlük hesab edilir.
Şirkətin təklif etdikləri
- Əmək bazarı meyarlarına uyğun rəqabətli əmək haqqı və motivasiya sistemi;
- Peşəkar iş mühiti;
- Karyera və peşəkar inkişaf imkanları;
- Korporativ mobil nömrə və danışıq limiti;
- Şirkətdaxili təlim və inkişaf proqramlarına qatılmaq imkanı.
Müraciət qaydası
Vakansiya ilə maraqlanan namizədlər CV-lərini e-poçtun mövzu sətrində „Məhsul təlimləri üzrə mütəxəssis-təlimçi” qeyd etməklə Müraciət et düyməsindəki elektron ünvana göndərə bilərlər.
