Şirkətimiz memarlıq, interyer və eksteryer dizayn layihələrinin icrası üzrə təcrübəli Memar-Dizayner axtarır. Namizəd layihənin ilkin konsepsiyasından tutmuş son tamamlanma mərhələsinə qədər bütün prosesləri peşəkarcasına idarə edə bilməlidir.
Vəzifə Öhdəlikləri
- Memarlıq, interyer və eksteryer istiqamətlərini əhatə edən dizayn layihələrinin konsepsiya mərhələsindən tamamlanmasına qədər idarə edilməsi;
- Layihə sahələrinin yerində qiymətləndirilməsi, mövcud şərt və məhdudiyyətlərin müəyyənləşdirilməsi;
- Memarlıq ölçülərinin dəqiq şəkildə hazırlanması;
- Plan məlumatlarına uyğun eskizlərin çəkilməsi və həmin materialların CAD formatına çevrilməsi;
- Təhlükəsizlik, funksionallıq, sahə səmərəliliyi və estetik tələblər əsasında interyer dizayn həllərinin işlənib hazırlanması;
- Mexaniki, elektrik və santexnika sistemlərini nəzərə alaraq ətraflı layihə çertyojlarının (mərtəbə planları, yüksəkliklər, tavan, döşəmə və s.) hazırlanması;
- Layihənin həcmi və büdcəsi çərçivəsində optimal dizayn seçimlərinin, material və avadanlıqların müəyyən edilməsi;
- Layihəyə aid zəruri çertyojların, spesifikasiyaların və texniki sənədlərin hazırlanması;
- Mebel, işıqlandırma elementləri və bitirmə materialları üzrə ətraflı spesifikasiyaların tərtib edilməsi;
- Layihə qrafiklərinin mütəmadi izlənilməsi və tapşırıqların müəyyən edilmiş müddətlərdə yerinə yetirilməsinin təmin edilməsi;
- Layihə konsepsiyasına uyğun olaraq müvafiq proqram təminatı vasitəsilə vizual təqdimatların hazırlanması.
İş Şəraiti
- Həftəlik iş rejimi: 5 gün (saat 09:00 – 18:00);
- Aylıq əmək haqqı: 2000 – 2500 AZN (namizədin bilik səviyyəsi, bacarıqları və təcrübəsinə əsasən müəyyən ediləcəkdir).
Namizədə Dair Tələblər
- Ali təhsil (Memarlıq, İnşaat və ya İncəsənət Universitetlərinin məzunlarına üstünlük verilir);
- Azərbaycan dilini səlis bilmək; rus və ingilis dili bilikləri arzuolunandır;
- Memarlıq, sahə planlaması və interyer dizaynı üzrə ən azı 3 il peşəkar iş təcrübəsi;
- Tikinti materialları, inşaat detalları, normativ tələblər və keyfiyyət standartları sahəsində yetərli biliyə sahib olmaq;
- AutoCAD, SketchUp, 3D Max, Illustrator, Revit, Corona, Photoshop, MS Office proqramlarında sərbəst çalışmaq bacarığı;
- Komanda mühitinə uyum sağlamaq və birgə işləmək bacarığı;
- Məsuliyyətli, operativ və dəqiq iş tərzi;
- Portfilio mütləqdir — sahə üzrə tamamlanmış layihələri əks etdirən portfolio əlavə edilməyən müraciətlər nəzərə alınmayacaqdır.
Vakansiya aktiv deyil, son elanlara aşağıdan keçid edin
