Mexanik

Bakının Şıxov ərazisində fəaliyyət göstərən şirkət hidravlika sahəsində təcrübəli mühəndis axtarır. Vəzifə mexaniki və hidravlik avadanlıqların texniki xidməti, təmiri və sınağı ilə birbaşa bağlıdır. Əmək haqqı müsahibə əsasında müəyyənləşdirilir (500–1000 AZN).

Namizədə olan tələblər

• Ali təhsil (Bakalavr) — texniki ixtisas üzrə: hidravlika, maşınqayırma texnologiyaları, cihazqayırma, texnoloji maşın və avadanlıqların mühəndisliyi və ya mexanika mühəndisliyi
• Texniki sahədə, xüsusilə hidravlika üzrə 1–2 il iş təcrübəsi

Vəzifə öhdəlikləri

• Avadanlıqların hidravlika hissəsinin fasiləsiz və texniki cəhətdən düzgün işləməsini, saz vəziyyətdə saxlanmasını təmin etmək
• Hidravlika sahəsində texniki baxış, sınaq və profilaktik təmir işlərini təşkil etmək
• Qüsur aktlarının tərtib edilməsi
• Yüksək təzyiqli pompalar, əl alətləri və xüsusi mexaniki alətlər vasitəsilə mexaniki və hidravlik avadanlıqlarla iş
• Hər hansı bir təmir işinə başlamazdan əvvəl işin planlaşdırılmasını, lazımi alət və ehtiyat hissələrin hazırlanmasını, habelə personalın bölüşdürülməsini təşkil etmək
• Yüksək və aşağı təzyiqli hidrostatik və pnevmatik sistemlərdə şlanq birləşmələrinin qoşulmasını həyata keçirmək
• İsti yağ, dizel və su ilə yuyulma, maye filtrasiyanın aparılması
• Müxtəlif növ nasos və siyirtmələrin funksional sınağı və təmiri
• Hidravlik silindirlərin yığılması və funksional sınağının keçirilməsi
• Servisə daxil olan avadanlıqların yoxlanılması, onlara təmir, texniki xidmət və test işlərinin həyata keçirilməsi
• Qüsur aktları və sertifikatların düzgünlüyünün yoxlanılması
• Boru və şlanqların test edilməsi, yuyulması qaydaları və prinsiplərini bilmək
• Hidravlik avadanlıqların — silindır, qoruyucu klapan, tərs klapan, idarəolunan tərs klapan, diyircəkli və iynəli klapan, istiqamətləndirici klapan, kontur balans klapan, təzyiq açarları, NAS aparatı — işləmə prinsiplərini və sökülüb-yığılma qaydalarını bilmək

İş şəraiti

• İş yeri: Şıxov ərazisi (Bakı)
• İş vaxtı: Həftənin 1–5-ci günləri, saat 08:00–17:00
• İş geyimi şirkət tərəfindən təmin edilir

Müraciət qaydası

Maraqlanan namizədlərdən xahiş olunur ki, CV-lərini vakansiyanın adını qeyd edərək Müraciət et düyməsində göstərilən elektron ünvana göndərsinlər.