Hacıqabul Sənaye Parkında fəaliyyət göstərən “Penoplex Prikavkazye” zavodunda Nasos-Kompressor Operatoru vəzifəsi üzrə işçi qəbulu elan olunur. Namizədlərin müvafiq texniki bilik və istehsalat təcrübəsinə sahib olması vacib şərtdir.
Vəzifə Öhdəlikləri
- Nasosların, kompressorların və texnoloji avadanlığın texniki normalar, standartlar və mövcud təlimatlara uyğun olaraq fasiləsiz və sabit rejimdə işləməsini savadlı istismar və müntəzəm profilaktik xidmət vasitəsilə təmin etmək.
- Nasos və kompressorların iş vəziyyətinə, sürtkü, soyutma və havalandırma sistemlərinə, boru kəmərlərinin, paylayıcı qurğuların, həmçinin bağlayıcı, qoruyucu və tənzimləyici armaturun istismara yararlılığına nəzarət etmək; aşkar edilmiş nasazlıqları vaxtında aradan qaldırmaq.
- Nəzarət-ölçmə cihazları vasitəsilə elektrik mühərriklərinin yükünü, nasos və kompressorlardakı işçi təzyiqi, boru kəmərlərindəki parametrləri və avtomatika cihazlarının işini daim izləmək.
- Nasos və kompressor stansiyalarının texnoloji sarğı sxemini istismar üçün hazır vəziyyətə gətirmək.
- Nasosları, kompressorları və elektrik mühərrikləri işə salmaq, lazım gəldikdə dayandırmaq, klapanları açmaq və bağlamaq.
- Yükqaldırma mexanizmlərindən istifadə etməklə nasos, kompressor və köməkçi avadanlıqların təmiri ilə bağlı çilingər işlərini icra etmək.
- Avadanlıqların planlaşdırılmış təmiri üçün nöqsan siyahılarının hazırlanmasında fəal iştirak etmək.
- Növbə jurnallarını və digər zəruri texniki sənədləri müəyyən edilmiş tələblərə uyğun, vaxtında və keyfiyyətli şəkildə doldurmaq.
- Növbənin təhvil-təslimini “Növbələrin təhvil-təslimi, növbə jurnallarının və rejim vərəqələrinin doldurulması təlimatı”na tam uyğun şəkildə həyata keçirmək.
Namizədə Tələblər
- Müvafiq sahədə ən azı 3 il iş təcrübəsi.
- Nasos, kompressor və texnoloji avadanlıqların istismarı sahəsində texniki biliklərə yiyələnmək.
- Nəzarət-ölçmə cihazları və avtomatika sistemləri ilə işləmə bacarığı.
İş Şəraiti
- İş rejimi: 2 növbəli — 2 gün 08:00–20:00, 2 gün 20:00–08:00, 2 gün istirahət.
- Əmək haqqı: 700–900 AZN (müsabiqənin yekun nəticəsindən asılı olaraq müəyyənləşdirilir).
- Nahar və servis xidməti işəgötürən tərəfindən ödənilir.
- İş yeri: Hacıqabul Sənaye Parkı, “Penoplex Prikavkazye” zavodu.
Vakansiya aktiv deyil, son elanlara aşağıdan keçid edin
