Bakı şəhərində fəaliyyət göstərən şirkətimiz avtomobil parkının texniki idarəçiliyi sahəsində təcrübəli mütəxəssis axtarışındadır. Namizəddən nəqliyyat vasitələrinin texniki vəziyyətinə nəzarət, zədələrin qiymətləndirilməsi və müvafiq sənədləşmənin aparılması kimi vəzifələri icra etmək tələb olunur.
Namizədə Tələblər
- Təhsil: Ali təhsil
- İş təcrübəsi: 1-3 il
- Dil bilikləri: Azərbaycan dili; İngilis dili — B2 səviyyəsi mütləq şərtdir
- Sürücülük vəsiqəsi: “B” kateqoriya və aktiv sürücülük təcrübəsi
İş Şəraiti
- İş qrafiki: Həftəiçi 10:00–18:00, Şənbə günləri 10:00–15:00
- İstirahət günü: Bazar
- Maaş: 1000 AZN
- Ünvan: Bakı şəhəri, Zərifə Əliyeva küçəsi 107A
Vəzifə Öhdəlikləri
- Satış şöbəsindən daxil olan sifarişlər əsasında avtomobillərin fasiləsiz, təhlükəsiz və səmərəli istismarını, eləcə də düzgün texniki xidmətini təmin etmək və nəzarətdə saxlamaq.
- İcarəyə verilən nəqliyyat vasitələrinin gündəlik hazırlığını yoxlamaq, hissə və qovşaqların texniki baxışını həyata keçirmək; aşkar edilmiş nasazlıqları dərhal özü aradan qaldırmaq və ya ləğv edilməsini təşkil etmək.
- Şirkətin avtomobil parkına aid planlı təmir işləri barədə hesabatlar hazırlamaq, mütəmadi texniki xidmət proseslərini izləmək və monitorinq aparmaq.
- Əsaslı, cari təmir və ya profilaktik xidmətdən sonra avtomobillərin qəbul prosesində iştirak etmək.
- Xarab olan və ya zədəli nəqliyyat vasitələrinin vaxtında müvafiq texniki servis mərkəzlərinə yönləndirilməsini təşkil etmək.
- Avtomobillərin müştərilərə verilməsi və geri alınması prosedurlarını icra etmək.
- Geri qaytarılan avtomobillərə texniki baxış keçirmək, dəymiş zədə və ziyanı qiymətləndirmək, aktlaşdırmaq və nəticəni Satış şöbəsinə operativ şəkildə bildirmək.
- Avtomobilin qəbulu zamanı müəyyən edilmiş zədələri “Texniki baxış və zədə aktı/hesabatı” proqramına daxil etmək.
- Zədəli avtomobillərə aid bütün tələb olunan məlumatları Cobra proqramına vaxtında işləmək.
- Məsul olduğu layihələrdə iş prosesini sistematik izləmək, texniki və təşkilati xarakterli problemlər yarandıqda tez həll tədbirləri görmək.
Tələb Olunan Bacarıq və Biliklər
- MS Excel: Qabaqcıl səviyyədə istifadə bacarığı
- Avtomobilin hissə və qovşaqlarının iş prinsiplərini bilmək və nasazlıqları vaxtında aşkar etmək qabiliyyəti
- Zədənin dərəcəsini (yüngül, orta, ağır) müəyyən etmək və təxmini təmir xərclərini hesablamaq bacarığı
- Müasir avtomobillərdəki elektron sistemlərdə yaranan nasazlıqları anlamaq üçün əsas biliklərə sahib olmaq
- Yol hərəkəti qaydalarını bilmək; qəza hallarında KASKO və icbari sığorta prosedurlarını, habelə müvafiq sənəd dövriyyəsini idarə etmək bacarığı
Vakansiya aktiv deyil, son elanlara aşağıdan keçid edin
