“Azərbaycan Mikro-Kredit BOKT” ASC Bakı şəhərində Online Kredit İşçisi vəzifəsi üzrə müsabiqə elan edir. Lombard və istehlak kreditləri sahəsində təcrübəsi olan, onlayn kredit platformaları və CRM sistemləri ilə işləməyi bacaran namizədlər müraciət edə bilər.
Namizədə olan tələblər
- Ali və ya orta ixtisas təhsili;
- Bank və ya Bank Olmayan Kredit Təşkilatlarında onlayn kreditlərin (lombard və istehlak kreditləri) verilməsi istiqamətində 1-2 il iş təcrübəsi;
- Onlayn kredit platformaları, CRM sistemləri və kredit proqram təminatı ilə işləmək bacarığı;
- Telefon və yazılı ünsiyyət bacarığının yüksək səviyyədə olması;
- Analitik düşüncə tərzi və kredit risklərini qiymətləndirmək qabiliyyəti;
- Riyazi hesablamalar aparmaq bacarığı;
- Müştəri müraciətlərini məsafədən — telefon, WhatsApp və onlayn sistemlər vasitəsilə — operativ qaydada cavablandırmaq bacarığı;
- Problemli kreditlər üzrə ilkin iş apara bilmək;
- Dəqiqlik, məsuliyyət və detallara diqqət;
- MS Office proqramları və internet resursları ilə sərbəst işləmək bacarığı.
Vəzifə öhdəlikləri
- Onlayn kredit məhsulları üzrə müştəri bazasının genişləndirilməsi;
- Telefon və rəqəmsal kanallar vasitəsilə daxil olan kredit müraciətlərinin qəbulu;
- Müraciətlərin təhlil edilməsi və kredit qiymətləndirməsinin aparılması;
- Onlayn kredit əməliyyatlarının icrası və sistemdə rəsmiləşdirilməsi;
- Kredit portfelinə məsafədən nəzarət edilməsi və idarə olunması;
- Verilmiş kreditlər üzrə müştəri xidməti və müntəzəm monitorinqin həyata keçirilməsi;
- Daxili qaydalar və prosedurlar çərçivəsində fəaliyyət göstərmək.
İş şərtləri
- Bölgə: Bakı;
- İş qrafiki: Bazar ertəsindən şənbəyə qədər (I–VI günlər).
Müraciət qaydası
Vakansiya ilə maraqlanan namizədlər CV-lərini Müraciət et düyməsində göstərilən elektron ünvana göndərə bilər. E-məktubun Subject / Mövzu sətrində “Online kredit işçisi” qeyd edilməlidir.
