Pərakəndə satış şəbəkəsinin daxili nəzarət və monitorinq fəaliyyətini gücləndirmək məqsədilə Mağaza Auditi və Operativ Nəzarət üzrə Mütəxəssis vəzifəsinə namizəd axtarılır. Vəzifə, təhkim olunmuş ərazilərdəki mağazalarda müntəzəm yoxlamalar aparmağı, kassa və mal qəbulu proseslərini izləməyi, habelə aşkar edilmiş uyğunsuzluqların aradan qaldırılmasına nəzarəti əhatə edir.
Vəzifə Öhdəlikləri
- Planlaşdırılmış ərazi üzrə mağazalarda müntəzəm operativ yoxlamalar keçirmək;
- Mağaza işçilərinin fəaliyyətindəki neqativ halları üzə çıxarmaq və birbaşa rəhbərin tapşırıqları çərçivəsində lazımi tədbirlərin görülməsini təmin etmək;
- Müşahidə kameraları vasitəsilə filiallardakı əməliyyatları — inkassasiya, kassa hərəkətləri, mal qəbulu, transfer prosesləri və digər prosedurları — izləmək və nəzarətdə saxlamaq;
- Təsdiq edilmiş check-listlər əsasında təhkim olunmuş mağazalarda nəzarət tədbirləri həyata keçirmək;
- Yoxlamalar zamanı müəyyən edilmiş uyğunsuzluqlarla bağlı məsul əməkdaşlardan yazılı izahat tələb etmək;
- Mağazalardakı seyf və POS-kassa avadanlıqlarının inventarizasiyasını aparmaq;
- Obyektlərin təhlükəsizlik tələblərinə və daxili qaydalara uyğunluğunu qiymətləndirmək, mövcud çatışmazlıqları müvafiq struktur bölmələrinə çatdırmaq və onların aradan qaldırılması prosesinə nəzarət etmək;
- Aparılan yoxlamaların nəticələri əsasında hesabatlar hazırlamaq və birbaşa rəhbərə təqdim etmək.
Tələb Olunan Bilgi və Bacarıqlar
- Təhsil: Ali təhsil; iqtisadiyyat, maliyyə və ya biznes idarəçiliyi istiqamətləri üstünlük sayılır;
- Daxili audit, monitorinq və ya daxili nəzarət sahəsindəki iş təcrübəsi müsbət qiymətləndirilir;
- Müşahidə kameraları ilə işləmə bacarığı və operativ nəzarət prosesləri haqqında praktiki biliklər;
- İş təcrübəsi: 1-2 il müvafiq sahədə təcrübə;
- Kompüter bilikləri: MS Office — Word və Excel proqramlarında sərbəst işləmə;
- B kateqoriyalı sürücülük vəsiqəsi və şəxsi avtomobilin olması mütləq şərtdir;
- Təşəbbüskarlıq, məsuliyyət, dəqiqlik və innovativ düşüncə tərzi.
İş Şəraiti və Güzəştlər
- Tam ştat iş rejimi;
- Nahar xərclərinin ödənilməsi;
- Yanacaq xərclərinin kompensasiyası;
- Avtomobil amortizasiya xərclərinin ödənilməsi;
- Korporativ nömrə ilə təminat.
Vakansiya aktiv deyil, son elanlara aşağıdan keçid edin
