Zeytun Pharmaceuticals şirkəti fəaliyyətini genişləndirərək komandaya Call Center Operatoru axtarışına başlayıb. Bu vəzifə onlayn aptek sifarişlərinin qəbulu, logistikanın koordinasiyası və müştəri müraciətlərinin idarə edilməsini əhatə edir. Əczaçılıq və ya tibbi sahədə təhsil almış, müştəri xidmətləri üzrə iş təcrübəsi olan namizədlər üçün uyğun imkandır.
Vəzifə öhdəlikləri
- Onlayn platforma vasitəsilə daxil olan sifarişləri sistemdə qeydə almaq və məlumatların doğruluğunu yoxlamaq
- Sifarişin mövcudluğunu müvafiq aptek filialı ilə əlaqə saxlayaraq dəqiqləşdirmək
- Wolt, Bolt və digər kuryer xidmətlərindən istifadə edərək çatdırılma prosesini təşkil etmək
- Sifarişlərin icra statusunu izləmək, gecikmə və ya uyğunsuzluq yarandıqda operativ tədbirlər görmək
- Daxil olan zəngləri korporativ davranış qaydalarına uyğun cavablandırmaq, şifahi sifarişləri sistemdə rəsmiləşdirmək
- Müştərilərə dərman vasitələri və aptek məhsulları barədə ümumi (qeyri-tibbi) məlumat vermək
- Lazım gəldikdə müştərini peşəkar əczaçı məsləhəti üçün müvafiq mütəxəssisə yönləndirmək
Namizədə olan tələblər
- Tibbi sahə üzrə orta ixtisas və ya ali təhsil — əczaçılıq və ya tibb bacısı/qardaşı ixtisası üstünlük sayılır
- Aptek və ya müştəri xidmətləri sahəsində iş təcrübəsi arzuolunandır
- Sürətli dəyişən iş mühitinə uyğunlaşma bacarığı
- Vəzifəyə məsuliyyətli və dürüst yanaşma
- Komanda daxilində səmərəli ünsiyyət qurma qabiliyyəti
- Yeni proqram təminatlarını və iş təlimatlarını tez mənimsəmə bacarığı
- Vaxt idarəçiliyinə riayət etmək və punktuallıq
İş şəraiti
- Rəsmiləşdirmə Azərbaycan Respublikası Əmək Məcəlləsinə uyğun həyata keçirilir
- İş qrafiki: həftədə 6 gün
- Əmək haqqı: 600 AZN
Vakansiya aktiv deyil, son elanlara aşağıdan keçid edin
