Proqramlaşdırma üzrə texniki rəhbər / Tech Lead – Backend

“Bakinity Distribution” MMC proqramlaşdırma sahəsində texniki rəhbər (Tech Lead – Backend) vəzifəsi üzrə vakansiya elan edir. Vəzifə backend arxitekturasının qurulması, texniki proseslərin idarə olunması, komandanın inkişafına dəstək göstərilməsi və məhsul strategiyasına uyğun dayanıqlı proqram həllərinin hazırlanmasını əhatə edir.

Vəzifə öhdəlikləri

• Şirkətin məhsul istiqamətlərinə uyğun miqyaslana bilən, təhlükəsiz və etibarlı backend arxitekturasının hazırlanmasına və texniki tətbiqinə rəhbərlik etmək.
• Mikroservis yanaşması əsasında sistem quruluşunu formalaşdırmaq, servis sərhədlərini müəyyənləşdirmək və paylanmış sistemlər üçün uyğun kommunikasiya mexanizmlərini tətbiq etmək.
• REST standartları, versiyalama, təhlükəsizlik və sənədləşməni nəzərə alaraq API strategiyasını müəyyən etmək, daxili və xarici inteqrasiyaların dizayn və idarə edilməsini həyata keçirmək.
• Sistemlərin yüksək əlçatanlıq, performans, təhlükəsizlik və nasazlıqlara davamlılıq tələblərinə cavab verməsini təmin etmək.
• Kodlaşdırma qaydalarını, code review yanaşmalarını, test strategiyalarını (unit, integration, performance), CI/CD və deployment proseslərini qurmaq və onlara nəzarət etmək.
• Mövcud proqram təminatı həllərini təhlil etmək, performans məhdudiyyətlərini aşkar etmək və optimizasiya tədbirləri ilə sabitliyi artırmaq.
• Event-driven və mesajlaşma əsaslı arxitekturaların, o cümlədən Kafka və RabbitMQ həllərinin tətbiqini təmin etmək.
• Verilənlər bazası arxitekturasını planlaşdırmaq, SQL optimizasiyasını həyata keçirmək və effektiv caching strategiyalarını tətbiq etmək.
• DevOps və infrastruktur komandaları ilə birgə Docker konteynerləşdirmə və Kubernetes orkestrasiya proseslərinin təkmilləşdirilməsi istiqamətində işləmək.
• Texniki qərarların biznes prioritetlərinə uyğunlaşdırılması üçün məhsul və layihə komandaları ilə yaxın əməkdaşlıq qurmaq.
• Komanda daxilində mühəndislik mədəniyyətinin inkişafına töhfə vermək, mentorluq göstərmək və texniki bilik mübadiləsini təşviq etmək.
• Süni intellekt əsaslı inkişaf alətlərindən istifadə etməklə kod keyfiyyətini yüksəltmək, hazırlama prosesini sürətləndirmək və texniki sənədləşməni yaxşılaşdırmaq.
• Süni intellekt tərəfindən yaradılan kodun təhlükəsizliyi, dəqiqliyi və keyfiyyətinin qiymətləndirilməsi üçün nəzarət mexanizmləri tətbiq etmək.

Namizədə tələblər

• Ali təhsil; informasiya texnologiyaları və ya uyğun ixtisas üzrə təhsil üstünlük hesab olunur.
• Backend development sahəsində ən azı 5 il iş təcrübəsi və komanda idarəetməsi üzrə bacarıq.
• GitHub Copilot, ChatGPT və oxşar AI dəstəkli kod yazma alətləri ilə praktiki iş təcrübəsi.
• Süni intellektdən kod generasiyası, refaktorinq, xətaların aradan qaldırılması və texniki sənədləşmə məqsədilə səmərəli istifadə bacarığı.
• Proqram təminatının hazırlanması prosesində prompt engineering prinsiplərini anlamaq.
• AI alətlərinin inkişaf proseslərinə inteqrasiyası üzrə təcrübə.
• AI tərəfindən yaradılmış kodun təhlükəsizlik, düzgünlük və keyfiyyət risklərini dəyərləndirmək bacarığı.
• Java (Spring Boot) və ya .NET (ASP.NET Core) üzrə güclü texniki bilik.
• Mikroservislər, paylanmış sistemlər və REST API arxitekturası ilə iş təcrübəsi.
• SQL Server, PostgreSQL, MongoDB və Redis kimi verilənlər bazaları ilə işləmə bacarığı.
• Proqram təminatının strukturlaşdırılması, vəzifə təlimatlarının hazırlanması və texniki sənədləşmə qaydalarını bilmək və tətbiq etmək.
• AWS və ya Azure Solutions Architect, Certified Kubernetes Administrator (CKA), eləcə də Java və ya .NET üzrə beynəlxalq sertifikatların olması arzuolunandır.
• Səlis Azərbaycan dili biliyi tələb olunur; rus və ingilis dili bilikləri üstünlükdür.
• CRM sistemləri və korporativ inteqrasiyalar üzrə təcrübə.
• Komanda ilə effektiv işləmək, operativ qərar vermək və problemləri praktik şəkildə həll etmək bacarığı.

İş şəraiti

• İş qrafiki: həftənin 5 iş günü, 09:00–18:00.
• İstirahət günləri: şənbə və bazar, həmçinin AR Əmək Məcəlləsinə uyğun qeyri-iş günləri.
• Məşğulluq forması: tam ştat.
• İş yeri: “Bakinity Distribution” MMC, Bakı.
• Əməkhaqqı namizədin bilik, təcrübə və peşəkar bacarıqlarına uyğun müəyyən olunur.

Təminatlar

• Korporativ mobil nömrə və danışıq paketi.
• Push 30 platformasından istifadə imkanı.
• AmCham üzvlüyü çərçivəsində inkişaf və təlim proqramlarında iştirak imkanı.
• Paşa Həyat “Həyatın Yaşam Sığortası” proqramına qoşulmaq imkanı.
• Peşəkar inkişaf və karyera yüksəlişi üçün əlavə imkanlar.