Tələblər
- Qida məhsullarının mühəndisliyi, qida təhlükəsizliyi, standartlaşdırma və sertifikasiya, metrologiya və ya bu sahələrlə bağlı digər ixtisaslar üzrə ali təhsil;
- Müvafiq istiqamətdə ən azı 2 il iş təcrübəsi;
- ISO 9001, ISO 22000, ISO 14001, ISO 45001 və digər beynəlxalq standartlar barədə bilik;
- Keyfiyyət idarəetmə sistemləri və daxili audit prosedurları üzrə biliklər;
- Prosedur, təlimat və digər sistem sənədlərinin hazırlanması və idarə edilməsi bacarığı;
- MS Office proqramları ilə yaxşı işləmək bacarığı;
- Azərbaycan dilini mükəmməl, rus və ingilis dillərini orta səviyyədə bilmək;
- Analitik yanaşma, ünsiyyət, planlaşdırma və komanda ilə işləmək bacarıqları.
Vəzifə öhdəlikləri
- Beynəlxalq standartların tələblərinə uyğun prosedurların, təlimatların, proseslərin və digər sistem sənədlərinin hazırlanmasını və yenilənməsini təmin etmək;
- Şirkətdə istifadə olunan sənədlərin qeydiyyatı və dövriyyəsinə nəzarət etmək, həmçinin yalnız aktual versiyaların tətbiq olunduğunu yoxlamaq;
- İllik audit planına əsasən daxili auditlər aparmaq, nəticələri təhlil etmək və rəhbərliyə təqdim etmək;
- Auditlər və proseslərin icrası zamanı müəyyən edilən uyğunsuzluqlar üzrə düzəldici və qabaqlayıcı tədbirləri təşkil etmək və izləmək;
- Keyfiyyət hədəfləri üzrə göstəriciləri təhlil etmək və nəticələrə dair hesabatlar hazırlamaq;
- Şirkətdə beynəlxalq standartların tətbiqini, idarəetmə sistemlərinin davamlı fəaliyyətini və təkmilləşdirilməsini təmin etmək;
- Sertifikatlaşdırma auditlərində iştirak etmək və standart tələblərinə uyğunluğun qorunmasına dəstək vermək;
- İşçilərə standartlar, keyfiyyət idarəetmə sistemləri və prosedurların tətbiqi ilə bağlı metodoloji dəstək göstərmək;
- Biznes proseslərinin təkmilləşdirilməsi və səmərəliliyin artırılması ilə bağlı təkliflər hazırlamaq.
İş şərtləri və əlavə üstünlüklər
- İş yeri: Xudat şəhəri;
- Könüllü tibbi sığorta (3 ay sonra);
- “Dəyərlisən” mobil tətbiqi – PAŞA Loyallıq platforması.
Vakansiya ilə bağlı müraciət etmək istəyən namizədlər CV-lərini “Proseslərin standartlaşdırılması üzrə aparıcı mütəxəssis” mövzusu ilə Müraciət et düyməsində göstərilən elektron poçt ünvanına göndərə bilərlər.
