İstehsalat rəhbəri

Əsas tələblər

• Ali təhsil. Qida mühəndisliyi və ya baytarlıq istiqamətində olması arzu edilir;
• İstehsalat sahəsində, xüsusilə quş əti emalı və ya kəsim müəssisəsində 3-5 il iş təcrübəsi;
• İstehsalat rəhbəri və ya növbə rəhbəri kimi idarəetmə təcrübəsi;
• Quş əti, yəni toyuq kəsim xəttinin texnoloji proseslərini praktiki bilməsi;
• BRC, IFS, ISO 22000 (HACCP) və halal kəsim standartları haqqında bilik;
• MS Office proqramlarından istifadə bacarığı.

Vəzifə öhdəlikləri

• Gündəlik, həftəlik və aylıq istehsal, yəni kəsim planlarının hazırlanması;
• İstehsal və kəsim planlarının vaxtında icrasını təmin etmək;
• Kəsim xəttinin məhsuldarlığını və fasiləsiz işləməsini nəzarətdə saxlamaq;
• İstehsalat itkilərini minimum səviyyədə saxlamaq;
• İstehsalat avadanlıqlarından düzgün və təyinatına uyğun istifadə olunmasına nəzarət etmək;
• Avadanlıqların texniki vəziyyətinə hər gün nəzarət etmək;
• BRC, IFS, ISO 22000 (HACCP) və halal kəsim standartlarını bilmək və tətbiq etmək;
• HACCP planı və kritik nəzarət nöqtələri üzrə tələblərə əməl olunmasını təmin etmək;
• Tabeçiliyində olan əməkdaşların istehsalat sahəsində, yəni kəsimxanada keyfiyyət standartlarına riayət etməsinə nəzarət etmək;
• Tabeçiliyində çalışan işçilərin əməyin təhlükəsizliyi, yanğın təhlükəsizliyi və biotəhlükəsizlik qaydalarına əməl etməsinə nəzarət etmək;
• İstehsal və kəsim prosesləri, eləcə də istehsalat və kəsimxana prosedur və qaydalarını hazırlamaq;
• İstehsalatda çalışan əməkdaşları istehsal və kəsim texnologiyaları, biotəhlükəsizlik və keyfiyyət standartları barədə təlimatlandırmaq;
• İstehsal üçün göndərilən ev quşlarının, yəni toyuqların kəsimxanaya qəbulunu həyata keçirmək;
• Keyfiyyətə nəzarət, baytarlıq, anbar və texniki şöbə ilə davamlı koordinasiyada işləmək;
• İstehsalat hesabatlarını, xammal sərfini və məhsul balansını hazırlamaq;
• Gündəlik, həftəlik, aylıq və digər istehsalat hesabatlarını tərtib edib rəhbərliyə və aidiyyəti strukturlara təqdim etmək.

Təcrübə: 3-5 il