Qrafik dizayner

GFC MMC — Azərbaycanda KFC, Pizza Hut və Simit Sarayı restoranlar şəbəkəsini idarə edən şirkət — marketinq komandasına Qrafik Dizayner vəzifəsi üzrə mütəxəssis axtarır. Bu rol bir neçə güclü qlobal brendin lokal vizual kommunikasiyasına bilavasitə töhfə vermək imkanı təqdim edir.

Namizədə olan tələblər

• Ali təhsil;
• Müvafiq sahədə 2-4 il iş təcrübəsi;
• Kreativ düşüncə tərzi və müasir dizayn tendensiyaları haqqında fəal bilgi;
• Brendinq və vizual identiklik prinsiplərini əməli səviyyədə bilmək;
• Print və digital formatlar üçün texniki tələbləri anlamaq; düzgün export və çap texnologiyaları ilə işləmə təcrübəsi;
• Azərbaycan dili — səlis; ingilis və ya rus dili — arzu edilir;
• Komanda daxilində effektiv ünsiyyət qura bilmək;
• Məsuliyyətli yanaşma, dəqiqlik və detallara diqqət;
• Vaxt idarəetməsi bacarığı və müəyyən edilmiş son tarixlərə riayət etmək;
• Adobe Photoshop, Adobe Illustrator, Adobe InDesign proqramlarında peşəkar səviyyədə işləmək;
• Adobe After Effects və ya digər animasiya alətlərindən istifadə bacarığı;
• Portfolio təqdim etmək məcburidir;
• Xasiyyətnamə tələb olunur.

Əsas iş vəzifələri

Dizayn materiallarının hazırlanması

• Şirkətə aid bütün brendlərin vizual üslubuna uyğun materialların yaradılması;
• Restoran kampaniyaları üçün poster, roll-up, masaüstü materiallar, vitrin vizualları, menyu əlavələri və sair çap materiallarının hazırlanması;
• Sosial media üçün statik və animasiyalı kontent vahidlərinin yaradılması;
• Digital ekranlar və LED panellər üçün formatların adaptasiyası;
• Mövcud kampaniya materiallarının müxtəlif ölçü və formatlara uyğunlaşdırılması.

Brend standartlarına nəzarət

• Hər brend üzrə qlobal brandbook və guideline tələblərinin tam şəkildə qorunması;
• Rəng palitrası, tipоqrafiya, vizual stil və loqo istifadəsinin standartlara uyğunluğuna nəzarət;
• Lokal adaptasiyalarda brend imicinin bütövlüyünün təmin edilməsi;
• Qlobal kampaniyaların yerli bazarın tələblərinə uyğun şəkildə uyğunlaşdırılması;
• Qiymət, məhsul tərkibi və hüquqi qeydlərin materiallarda düzgün yerləşdirilməsinə nəzarət.

Planlaşdırma və koordinasiya

• Marketinq planına əsasən vizual materialların vaxtında hazırlanması;
• Çap materiallarının texniki tələblərə cavab verməsi və icra keyfiyyətinə nəzarət;
• Müştəri cəlbini artıran və satışları dəstəkləyən kreativ vizual həllərin işlənməsi və müvafiq təşəbbüslərin irəli sürülməsi;
• Mövsümi və taktiki kampaniyalar üçün kreativ konsept təkliflərinin hazırlanması;
• Rəqabət mühitinin izlənilməsi, rəqiblərin dizayn yanaşmalarının təhlili və uyğun tövsiyələrin verilməsi;
• Marketinq və SMM komandaları ilə sıx əməkdaşlıq.

İş şəraiti

• Azərbaycan Respublikasının Əmək Məcəlləsinə uyğun rəsmi sənədləşmə;
• Həftə içi 5 günlük iş rejimi;
• Müasir idarəetmə yanaşması və mehriban iş mühiti.