Rəqəmsal marketinq mütəxəssisi

Bakıda rəqəmsal marketinq mütəxəssisi axtarılır. Bu vəzifə Meta Ads kampaniyalarının idarəsi, lead generation dəstəyi və reklam nəticələrinin təhlilini əhatə edir.

Vəzifə haqqında

“Honours Academy” komandası rəqəmsal reklam kampaniyalarını idarə edə bilən, lead generation prosesinə dəstək göstərən və nəticələri analiz edərək kampaniyaların daha səmərəli işləməsinə töhfə verən Rəqəmsal Marketinq Mütəxəssisi axtarır. Bu vəzifə Meta Ads, reklam optimizasiyası, retargeting və qısa performans hesabatlarının hazırlanmasında əsas rol oynayır.

Əsas öhdəliklər

• Reklam kampaniyaları: Meta Ads və uyğun digər reklam kanallarında kampaniyaların qurulması və izlənməsi;
• Potensial müştəri cəlbi: Brendin və ona aid layihələrin əsas məhsul və xidmətləri üzrə keyfiyyətli lead-lərin cəlb olunmasına dəstək vermək;
• Optimizasiya: Reklam nəticələrinə əsaslanaraq auditoriya, büdcə və kreativlər üzrə sadə optimizasiya təklifləri vermək;
• Retargeting və testlər: Müxtəlif auditoriya və kreativləri test etmək, retargeting kampaniyalarının icrasına dəstək olmaq;
• Analitika: CPL, lead sayı, conversion və əsas reklam göstəricilərini izləmək;
• Satış komandası ilə koordinasiya: Satış komandası ilə lead keyfiyyəti barədə rəy paylaşmaq və nəticələri kampaniyalarda nəzərə almaq;
• Hesabatlılıq: Həftəlik qısa reklam nəticələri hesabatı hazırlamaq və inkişaf üçün təkliflər vermək.

Tələblər

• Performance marketing, digital marketing və ya paid ads sahəsində minimum 1 il təcrübə;
• Meta Ads Manager ilə işləmə bacarığı;
• Lead generation və reklam optimizasiyası üzrə baza biliklər;
• CPL, CTR, conversion rate kimi əsas göstəriciləri anlamaq və analiz etmək bacarığı;
• Kreativ testlərə və data əsaslı işləməyə maraq;
• Azərbaycan dilində səlis ünsiyyət bacarığı, İngilis dili biliyi üstünlükdür;
• Komanda ilə işləmə bacarığı və məsuliyyətli yanaşma.

Təklifimiz

• Peşəkar və dəstəkləyici komanda mühiti;
• Təhsil və xidmət sahəsində real performance marketing təcrübəsi;
• Fərqli kampaniyalar və auditoriyalar üzərində işləmək imkanı;
• Peşəkar inkişaf və təlim imkanları;
• Nəticəyə əsaslanan inkişaf və motivasiya imkanları.

İş qrafiki

• Həftədə 5 gün;
• İş saatları: 10:00 – 19:00;
• Kampaniya, tədbir və xüsusi layihə dövrlərində iş qrafikində ehtiyaca uyğun dəyişiklik edilə bilər.

Əməkhaqqı

Əməkhaqqı namizədin bilik, bacarıq və təcrübəsinə əsasən qarşılıqlı razılaşma əsasında müəyyən ediləcəkdir.

Müraciət qaydası

CV və qısa motivasiya məktubunuzu mövzu hissəsində “Rəqəmsal Marketinq Mütəxəssisi” qeyd edərək Müraciət et düyməsində göstərilən elektron poçt ünvanına göndərməyiniz xahiş olunur. Yalnız seçilmiş namizədlərlə əlaqə saxlanılacaqdır.