Sahə memarı

Sumqayıtda sahə memarı vakansiyası üzrə peşəkar namizəd axtarılır. Memarlıq layihələri, baş planlar və tikinti prosesinə nəzarət üzrə təcrübəsi olan şəxslər müraciət edə bilər.

Vəzifə öhdəlikləri

• Müxtəlif layihələrin memarlıq hissəsini yoxlamaq və zərurət olduqda layihə dəyişikliklərinin hazırlanmasını həyata keçirmək;
• Bina və tikililərə aid memarlıq layihələrində və baş planlarda lazım olan düzəlişləri işləmək, işlərin müəyyən edilmiş müddətdə icrasına nəzarət etmək, keyfiyyət və səmərəlilik göstəricilərinin artırılmasını təmin etmək;
• Layihələndirmə işləri üçün hazırlanacaq layihə tapşırıqlarının layihələndirmə və tikinti üzrə qüvvədə olan normativlərə uyğunluğunu təmin etmək;
• Tikinti-quraşdırma işlərinin texniki-iqtisadi əsaslandırılması və hesablamalarının hazırlanmasında, tikinti smeta dəyərinin, tikintidə istifadə olunacaq materialların, məmulatların və avadanlığın tərkibinin və miqdarının müəyyən edilməsində memarlıq həcmlərinin hesablanmasını təmin etmək;
• Layihənin memarlıq hissəsinin digər bölmələrlə əlaqələndirilməsini, tələb olunan texniki sənədlərin tamlığını, layihələndirmənin bütün mərhələlərində layihə materiallarının həcminin azaldılmasını təmin etmək;
• Layihələndirilmiş obyektlərin subpodratçı şirkətlər tərəfindən tikintisinə müəllif nəzarəti həyata keçirmək, istifadə olunan tikinti materiallarının, konstruksiyaların və layihə üzrə təsdiq edilmiş məmulatların standartlara və tikintidə texniki şərtlərə uyğunluğunu yoxlamaq;
• Layihə və tikinti ilə bağlı normativ materialların hazırlanmasında iştirak etmək;
• Yerinə yetirilmiş işlər barədə texniki hesabatın bölmələrini tərtib etmək.

Namizədə tələblər

• Müvafiq sahə üzrə ali təhsil;
• Sahə üzrə minimum 3 il iş təcrübəsi;
• İngilis dilini yaxşı səviyyədə bilmək;
• ArchiCad, AutoCad, 3D Max, SketchUp proqramları üzrə biliklər, xüsusilə SketchUp-da əl ilə çəkmə bacarığı;
• BOQ və Specification hazırlaya bilmək;
• İnteryer bitiş detalları üzrə həll vermək bacarığı.

Namizədlərdən CV-lərini “Sahə memarı (Sumqayıt)” başlığı ilə Müraciət et düyməsində göstərilən elektron poçt ünvanına göndərmələri xahiş olunur.