Sənaye qazları istehsalı üzrə operator

Azerfloat QSC, Sumqayıt Kimya Sənaye Parkında fəaliyyət göstərən istehsalat müəssisəsidir. Şirkət hazırda Sənaye Qazları İstehsalı üzrə Operator vəzifəsi üçün namizəd qəbul edir. Bu vəzifə azot, hidrogen və SO₂ kimi sənaye qazlarının istehsal prosesini idarə etmək, texnoloji parametrləri izləmək və avadanlıqların fasiləsiz iş rejimini təmin etməkdən ibarətdir.

Vəzifə və Öhdəliklər

• Azot istehsalı stansiyasının (ASU) texnoloji rejimə uyğun idarə edilməsi, proses parametrlərinin davamlı izlənilməsi və avadanlıqların stabil iş rejiminin təmin edilməsi
• Hidrogen istehsalı avadanlıqlarında temperatur, təzyiq, sərfiyyat və digər texnoloji parametrlərin müntəzəm monitorinqi, nasazlıqların vaxtında aşkar edilərək aradan qaldırılması
• Kompressor stansiyasının təhlükəsiz və fasiləsiz işinin təmin olunması, kompressor və köməkçi avadanlıqların iş rejiminə nəzarət edilməsi
• Soyutma su stansiyasında su analizlərinin aparılması, analiz nəticələrinə əsasən kimyəvi reagentlərin dozalanması və su kimyasının nəzarətdə saxlanılması
• SO₂ stansiyasında qaz axınının və texnoloji parametrlərin tənzimlənməsi, normal əməliyyat rejiminin qorunub saxlanılması
• DCS/SCADA sistemləri və sahə avadanlıqları vasitəsilə proses göstəricilərinin izlənilməsi və qeydiyyatının aparılması
• Əməyin mühafizəsi, təhlükəsizlik və istehsalat prosedurlarına uyğun fəaliyyət göstərilməsi
• Avadanlıqlarda aşkar edilən nasazlıqlar barədə müvafiq şöbələrə məlumat verilməsi və texniki heyətlə koordinasiyanın təmin edilməsi
• Növbə jurnallarının və əməliyyat hesabatlarının müntəzəm və düzgün aparılması

Namizədə Tələblər

• Kimya mühəndisliyi, neft-qaz avadanlıqları, mexanika və ya sənaye mühəndisliyi istiqamətlərindən birində peşə və ya ali texniki təhsil
• İstehsalat və ya sənaye avadanlıqlarının istismarı sahəsində 1-3 il iş təcrübəsi
• Temperatur, təzyiq, sərfiyyat kimi texnoloji parametrləri izləmək bacarığı
• DCS/SCADA və ya analoji idarəetmə sistemləri ilə işləmək bacarığı
• Avadanlıqlarda nasazlıqları aşkar etmək və aidiyyəti şəxslərə operativ məlumat vermək bacarığı
• Əməyin mühafizəsi və sənaye təhlükəsizliyi normalarını bilmək
• Növbəli iş rejiminə uyğunlaşmaq qabiliyyəti və yüksək məsuliyyət hissi

İş Şəraiti

• İş qrafiki: Növbəli
• İş yeri: Sumqayıt Kimya Sənaye Parkı
• Nahar əvəzinə əlavə ödəniş
• Tibbi sığorta
• Servis (nəqliyyat təminatı)
• Əmək haqqı: Namizədin bilik və bacarıq səviyyəsinə uyğun olaraq müsahibə zamanı müəyyənləşdirilir

Müraciət Qaydası

Müraciət etmək üçün CV-nizi mövzu yerində “Sənaye qazları istehsalı üzrə operator” qeyd edərək elanda göstərilən elektron poçt ünvanına göndərməyiniz xahiş olunur.