Servis Meneceri

Gəncə şəhərində fəaliyyət göstərən servis mərkəzimiz üçün Servis Mərkəzi Rəhbəri vəzifəsinə namizədlər axtarılır. Bu rol korporativ müştərilərlə münasibətlərin idarə edilməsini, gündəlik servis əməliyyatlarının səmərəli təşkilini və müştəri məmnuniyyətinin yüksək səviyyədə saxlanmasını əhatə edir.

Vəzifə Öhdəlikləri

• Korporativ müştərilərlə iş proseslərini təşkil etmək və müvafiq münasibətləri idarə etmək;
• Servis mərkəzinin gündəlik fəaliyyətinə nəzarət etmək və işin fasiləsiz davam etməsini təmin etmək;
• Daxil olan müştəri müraciətlərini və şikayətlərini vaxtında istiqamətləndirmək, məmnuniyyət səviyyəsini daim yüksək saxlamaq;
• Xidmət proseslərini müntəzəm təhlil etmək, əsas performans göstəricilərini izləmək, zəruri təkmilləşdirmə tədbirləri planlaşdırmaq və həyata keçirmək;
• Ehtiyat hissələri, servis avadanlıqları və materialların inventarını izləmək, ehtiyac olduqda satınalma prosesinə dəstək vermək;
• Təhlükəsizlik qaydalarına, işçilərin təlim ehtiyaclarına və keyfiyyət standartlarına riayət olunmasına nəzarət etmək;
• Müştərilərin servis prosesindən tam razı qalmasını sistemli şəkildə təmin etmək.

Namizədə Tələblər

• Ali təhsil;
• Müştərilərlə iş sahəsində ən azı 3 il iş təcrübəsi;
• Azərbaycan, rus və ingilis dillərini sərbəst səviyyədə bilmək;
• MS Office proqramlarında (Outlook, Word, PowerPoint, Excel) sərbəst işləmək bacarığı.

Peşəkarlıq Tələbləri

• Komanda mühitində effektiv işləmək bacarığı;
• Güclü analitik düşüncə, problem həlli və araşdırma qabiliyyəti;
• Müştərini dinləmək, onunla ünsiyyət qurmaq və inandırmaq bacarığı;
• Effektiv təqdimat hazırlama və çatdırma bacarığı;
• Yüksək iş yükü şəraitində prioritetləri düzgün müəyyən edərək işləmək qabiliyyəti.

İş Şəraiti

• İş yeri: Gəncə şəhəri, Gəncə–Şəmkir yolunun sağ tərəfi;
• Zəruri hallarda ezamiyyə imkanı;
• Həftədə 6 iş günü (bazar ertəsi – şənbə);
• İş saatları: Bazar ertəsi – cümə: 09:00–17:00; Şənbə: 09:00–15:00;
• Rəqabətqabiliyyətli əmək haqqı və nəticəyə əsaslanan bonus sistemi.