Şəmkir şəhərində SƏTƏM mütəxəssisi vakansiyası üzrə işçi axtarılır. Təhlükəsizlik, yanğınsöndürmə və əməyin mühafizəsi sahəsində təcrübəli namizədlər müraciət edə bilər.
Vəzifə öhdəlikləri
- Yeni işə qəbul olunan əməkdaşlar üçün giriş təlimatını keçmək və təlimat jurnalında qeydiyyat aparmaq;
- Yeni qəbul olunan işçilər, podratçılar, qonaqlar, ezamiyyətə gələnlər, istehsalat təliminə və ya praktikasına gələn şagird və tələbələr üçün əməyin mühafizəsi üzrə giriş təlimatlandırma proqramını hazırlamaq və təlim keçmək;
- Gündəlik olaraq iş sahələrində yoxlamalar aparmaq, aşkar edilən nöqsan və çatışmazlıqların aradan qaldırılması üçün göstəriş vermək və icrasına nəzarət etmək;
- İstehsalatda zədələnmə səbəblərini analiz etmək və qarşısının alınması üçün tədbirlərin görülməsinə nəzarət etmək;
- İstehsalatda bədbəxt hadisələrin baş verməməsi üçün önləyici tədbirlərin həyata keçirilməsinə nəzarət etmək;
- Qəzalar və hadisələr üzrə araşdırma aparmaq, qeydiyyat aparmaq və dərhal məlumat vermək;
- Ətraf mühitin çirkləndirilməsinin qarşısının alınması ilə bağlı tədbirlərin həyata keçirilməsini təmin etmək;
- Struktur bölmələrdə və istehsalatda ətraf mühitin çirklənməsinin qarşısını almağa yönəlmiş tədbirlərin icrasına nəzarət etmək;
- Yanğın təhlükəsizliyi ilə bağlı müvafiq tədbirlərin həyata keçirilməsini təşkil etmək;
- Yanğına qarşı ilkin mühafizə vasitələrinin, yanğın siqnalizasiya sistemlərinin, yanğın su hidrantlarının, yanğın su nasosu və quyularının saz vəziyyətdə saxlanılmasını vaxtaşırı yoxlamaq;
- Obyektin ilkin yanğınsöndürmə vasitələri ilə təchizatına və sazlığına nəzarəti, həmçinin onlara texniki qulluğun təşkili işlərini həyata keçirmək;
- Yanğın təhlükəsizliyinə aid sənədləri və jurnalları aparmaq, yanğın təhlükəsizliyi üzrə təlimatları və əmrləri hazırlamaq;
- Mülki Müdafiə ilə bağlı sənədləri hazırlamaq və Mülki Müdafiə tədbirlərinin icrasını təşkil etmək;
- Hündürlükdə, qapalı məkanlarda və digər təhlükə potensiallı işlərin təhlükəsiz icrasına dair Naryad Buraxılış hazırlanmasına nəzarət etmək, ehtiyac olduqda metodiki yardım göstərmək;
- Təhlükə potensiallı işlərin icrası zamanı Fövqəladə Hal Planı hazırlamaq;
- Fövqəladə hallar üzrə təlimləri hazırlamaq, təşkil etmək və hesabatlar hazırlamaq;
- İş şəraitinin yaxşılaşdırılması istiqamətində tədbirlərin həyata keçirilməsinə nəzarət etmək;
- İş yerlərində təhlükəli və zərərli istehsalat amillərini aşkar etmək;
- Qanunvericiliyə uyğun sənədləşmə prosesini həyata keçirmək;
- İşçilər üçün maarifləndirici nəzəri və praktiki SƏTƏM təlimləri keçmək;
- SƏTƏM xidməti üzrə mütəmadi hesabatları hazırlayıb rəhbərliyə təqdim etmək;
- Şirkətin siyasətinə uyğun olaraq SƏTƏM-ə aid bütün məlumatlar və hadisələr üzrə statistik göstəricilərə dair rəhbərliyə hesabat vermək;
- Xüsusi geyim, ayaqqabı və digər fərdi mühafizə vasitələrinin saxlanılmasına, verilməsinə və düzgün istifadəsinə nəzarət etmək;
- Müəssisə bölmələrinin əməyin mühafizəsi üzrə təlimatlarla, qaydalarla, normalarla, plakatlarla və digər əyani vəsaitlərlə təmin olunmasını təşkil etmək.
Namizədə tələblər
- Ali təhsil (texniki sahə üzrə);
- İstehsalat müəssisəsində ən azı 1-3 il iş təcrübəsi mütləqdir;
- Azərbaycan dili əla, rus dili orta, ingilis dili orta səviyyədə olmalıdır;
- Microsoft Office proqramları üzrə biliklər;
- Yüksək ünsiyyət qabiliyyəti, təqdimat hazırlamaq və təqdimetmə bacarığı.
Qeyd
FHN şəhadətnaməsinin olması mütləqdir. Əgər ali təhsil Fövqəladə Hallar və Həyat Fəaliyyətinin Təhlükəsizliyi ixtisası üzrədirsə, şəhadətnamə tələb olunmur.
İş qrafiki
- 5 günlük iş qrafiki;
- 09:00-18:00.
Əmək haqqı
Namizədin bilik və bacarığına əsasən təyin edilir.
Üstünlüklər
- Nahar;
- Könüllü tibbi sığorta;
- Korporativ nömrə və danışıq limiti.
Müraciət qaydası
Tələblərə cavab verən namizədlər CV-lərini “SƏTƏM mütəxəssisi Şəmkir” mövzusu ilə Müraciət et düyməsində qeyd olunan elektron poçt ünvanına göndərə bilərlər.
