SƏTƏM üzrə mühəndis

Daşkəsən üçün SƏTƏM üzrə mühəndis vakansiyası açıqdır. Əməyin mühafizəsi, texniki təhlükəsizlik və yanğın təhlükəsizliyi üzrə bilik və təcrübə tələb olunur.

Vəzifə öhdəlikləri

• İş sahəsində əməyin mühafizəsi, sağlamlığın qorunması və yanğından mühafizə sisteminin yaradılması və tətbiqinə nəzarət etmək;
• İstehsalatda travmatizm və peşə xəstəliklərinin səbəblərini araşdırmaq, onların qarşısının alınması üçün tədbirlərin hazırlanmasında iştirak etmək;
• İş proseslərinin əməyin mühafizəsi, ekoloji və yanğın təhlükəsizliyi, sanitar-epidemioloji, əhalinin və ərazinin fövqəladə hallardan mühafizə qaydalarına uyğun təşkilinə, eləcə də Cəmiyyət daxili normativ sənədlərin tələblərinin yerinə yetirilməsinə mütəmadi nəzarət etmək;
• Maşın və mexanizmlərin, qurğuların, avadanlıqların təftişini aparmaq, sənədləri və sertifikatları yoxlamaq, sahəni bütövlükdə nəzərdən keçirmək və aşkar edilən uyğunsuzluqlar barədə yuxarı rəhbərliyi məlumatlandırmaq;
• Radioaktiv, tez alovlanan, partlayış təhlükəli, yanacaq və zəhərləyici maddələrlə işlənən sahələrə ciddi nəzarət etmək;
• Yeni işçilər üçün giriş təlimatlarının, mövcud işçilər üçün isə dövri olaraq əməyin mühafizəsi və texniki təhlükəsizlik təlimatlarının keçirilməsini təmin etmək, iş rəhbərlərinin ilkin, təkrar, növbədənkənar və məqsədli/birdəfəlik təlimatları keçirməsinə nəzarət etmək;
• İşçilərə verilən xüsusi geyim, ayaqqabı və digər mühafizə vasitələrinin standartlara və sahə normalarına uyğunluğunu, həmçinin fərdi və kollektiv mühafizə vasitələrindən istifadənin düzgün aparılmasını yoxlamaq;
• Əməyin təhlükəsizliyi istiqamətində şirkədaxili maarifləndirici təlimlər keçmək;
• Mexanizm və qurğularda mühafizə vasitələrinin yerində və saz vəziyyətdə olmasına, qurğu və aparatların işçilər tərəfindən qaydalara uyğun istifadə edilməsinə nəzarət etmək;
• Elektrik qurğuları və cihazlarının torpaqlanmasını, kabelləşmənin vəziyyətini yoxlamaq;
• Baş vermiş bədbəxt hadisələrin təhqiqat aktında göstərilən tədbirlərin yerinə yetirilməsinə nəzarət etmək;
• Cəmiyyətdə xidmət göstərən podratçı və subpodratçı təşkilatların sağlamlığın qorunması, əməyin mühafizəsi, texniki təhlükəsizlik, ətraf mühitin mühafizəsi və yanğın təhlükəsizliyi sahələrində işlərinin təşkilinə və aparılmasına nəzarət etmək.

Tələb olunan bilik, bacarıq və səriştələr

• Ali təhsil, mühəndislik sahəsi üzrə;
• Mədən, tikinti, zavod, platforma və sahələrdə minimum 1 il iş təcrübəsi;
• Müvafiq qanunvericilik aktları və normalarını bilmək;
• SƏTƏM mütəxəssisi sertifikatı, FHN razılaşdırılmış;
• FHN SİTGDMN agentliyinin elmi tədqiqat institutunun 30 saatlıq kurs sertifikatı;
• Azərbaycan dili üzrə əla, ingilis dili və rus dili üzrə yaxşı səviyyə;
• Microsoft Office proqramları üzrə kompüter bilikləri.

Digər məlumatlar

• İş yeri: Daşkəsən rayonu;
• İş rejimi: 5 gün, bazar ertəsi-cümə;
• İş vaxtı: 08:00-17:00;
• Servislə təmin olunma;
• Nahar yeməyi ilə təmin olunma.