SƏTƏM üzrə mütəxəssis

Bakı şəhərində fəaliyyət göstərən “Mint Services” MMC istehsalat müəssisəsində SƏTƏM üzrə mütəxəssis vəzifəsi üzrə vakansiya elan edir. Namizəddən əməyin mühafizəsi, yanğın təhlükəsizliyi və ətraf mühitin qorunması sahəsində praktiki bilik və təcrübə tələb olunur.

Vəzifə öhdəlikləri

• Yeni işə qəbul edilən əməkdaşlara giriş təlimatı keçmək və müvafiq jurnalda qeydlər aparmaq;
• İş sahələrində gündəlik nəzarət yoxlamaları həyata keçirmək, aşkar edilmiş nöqsanların aradan qaldırılması üçün göstərişlər vermək və icrasına nəzarət etmək;
• İstehsalatda xəsarət və zədələnmə hallarının səbəblərini təhlil etmək, təkrarlanmasının qarşısını almaq üçün müvafiq tədbirlərin görülməsini təşkil etmək;
• İstehsalat qəzaları və bədbəxt hadisələrin baş verməməsi üçün önləyici tədbirlərin icrasına nəzarət etmək;
• Baş vermiş hadisə və qəzalar üzrə araşdırma aparmaq, sənədləşdirmək və rəhbərliyə operativ məlumat vermək;
• Struktur bölmələrində ətraf mühitin çirkləndirilməsinin qarşısını almağa yönəlmiş tədbirlərin planlaşdırılması və icrasına nəzarət etmək;
• Yanğın təhlükəsizliyinə dair tədbirlərin təşkilini həyata keçirmək;
• İlkin yanğınsöndürmə vasitələrini, siqnalizasiya sistemlərini, su hidrantlarını, yanğın nasoslarını və quyuları vaxtaşırı yoxlamaq, saz vəziyyətdə saxlanılmasına nəzarət etmək;
• Yanğın təhlükəsizliyinə aid jurnalları, sənədləri, təlimatları və əmrləri hazırlamaq və aktual vəziyyətdə saxlamaq;
• Hündürlükdə, qapalı məkanlarda və digər yüksək riskli sahələrdə işlərin təhlükəsiz icrasına dair Naryad Buraxılışlarının hazırlanmasına nəzarət etmək, zəruri hallarda metodiki dəstək göstərmək;
• Fövqəladə hallara dair təlimləri planlaşdırmaq, təşkil etmək və yekun hesabatları hazırlamaq;
• İş şəraitinin təkmilləşdirilməsi üzrə tədbirlərin icrasına nəzarət etmək;
• Mövcud qanunvericiliyin tələblərinə uyğun sənədləşmə prosesini aparmaq;
• İşçilər üçün nəzəri və praktiki SƏTƏM təlimlərini keçmək;
• SƏTƏM xidməti üzrə mütəmadi hesabatlar tərtib edərək rəhbərliyə təqdim etmək;
• Şirkətin siyasətinə uyğun olaraq SƏTƏM sahəsindəki bütün hadisələrin statistik göstəriciləri barədə rəhbərliyə hesabat vermək;
• Xüsusi geyim, ayaqqabı və fərdi mühafizə vasitələrinin verilməsi, saxlanılması və düzgün istifadəsinə nəzarət etmək;
• Müəssisənin bölmələrini əməyin mühafizəsinə dair təlimatlar, normalar, qaydalar, plakatlar və digər əyani materiallarla təmin etməyi təşkil etmək.

Namizədə olan tələblər

• SƏTƏM, texniki və ya müvafiq sahə üzrə ali və ya orta ixtisas təhsili;
• Əməyin mühafizəsi üzrə etibarlı sertifikat(lar)ın olması mütləqdir;
• İstehsalat müəssisəsində 2-3 il iş təcrübəsi tələb olunur;
• Azərbaycan dilini səlis bilmək; xarici dil biliyi üstünlük sayılır;
• Microsoft Office proqramları ilə işləmə bacarığı;
• Güclü ünsiyyət qabiliyyəti, hesabat və təqdimat hazırlamaq bacarığı.

İş şəraiti

• Rəsmiləşdirmə: Azərbaycan Respublikasının Əmək Qanunvericiliyinə əsasən;
• İş qrafiki: həftədə 5 gün, gündə 9 saat;
• Aylıq əmək haqqı: 1100 AZN;
• İş yeri: Bakı şəhəri, Koroğlu və Ulduz metro stansiyaları yaxınlığı.

Uyğun namizədlər CV-lərini “SƏTƏM üzrə mütəxəssis” mövzu başlığı ilə elanda göstərilən elektron poçt ünvanına göndərə bilərlər.