“ATA PACK” MMC əməyin mühafizəsi və texniki təhlükəsizlik sahəsində SƏTƏMM mütəxəssisi vəzifəsi üzrə vakansiya elan edir.
Əsas vəzifə öhdəlikləri
- İş yerlərində əməyin mühafizəsi və texniki təhlükəsizlik qaydalarına nəzarət etmək;
- İstehsalat prosesində baş verən zədələnmələrin səbəblərini araşdırmaq və qarşısının alınması üçün müvafiq tədbirlər hazırlamaq, icrasını təşkil etmək;
- İş yerlərinin sanitar-texniki vəziyyətinin yoxlanılmasında iştirak etmək;
- Aidiyyəti nümayəndələrlə birgə maşın, mexanizm və qurğuların, habelə işçilərin fərdi və kollektiv mühafizə vasitələrinin təhlükəsizlik və ekoloji tələblərə uyğunluğunu yoxlamaq;
- Təxliyyə planının hazırlanmasında iştirak etmək və işçilərə bu istiqamətdə təlimat vermək;
- Müəssisədaxili intizam, əməyin mühafizəsi, təhlükəsizlik texnikası və sanitar-gigiyena qaydalarına əməl olunmasını təmin etmək;
- Əmək müqaviləsi çərçivəsində müəyyən edilmiş vəzifələri vaxtında və düzgün icra etmək;
- Bilavasitə rəhbərə mütəmadi hesabatlar təqdim etmək və verilən tapşırıqları yerinə yetirmək;
- Yeni işə qəbul olunan işçilərlə giriş təlimatı keçirmək və əməyin mühafizəsi ilə bağlı yaranan məsələlərin həllinə dəstək olmaq;
- SƏTƏMM üzrə daxili təlimatların hazırlanmasında iştirak etmək;
- İstehsalatda baş verən bədbəxt hadisələrin araşdırılmasında yaxından iştirak etmək;
- İşçilərin sağlamlığına təhlükə yaradan fəaliyyət növlərinin dayandırılmasını təmin etmək;
- Potensial risk daşıyan iş metodları, proseslər və materiallar üzrə qoruyucu tədbirlər üzrə tövsiyələr vermək;
Namizədə tələblər
- Ali təhsil;
- Analoji sahədə ən azı 1 illik iş təcrübəsi (mütləq şərtdir);
- MS Excel və Word proqramlarında sərbəst işləmə bacarığı;
- Diqqətlilik, məsuliyyətlilik və yüksək tələbkarlıq;
- SƏTƏMM sahəsi üzrə tələb olunan yerli və beynəlxalq sertifikatların mövcudluğu;
- Əməyin mühafizəsi, texniki təhlükəsizlik, sanitar-gigiyena və yanğın təhlükəsizliyi norma və qaydalarına dair bilik;
- Vaxtın effektiv idarə edilməsi və konflikt vəziyyətlərinin peşəkar həlli bacarığı;
İş şəraiti
- Əməkhaqqı namizədin bilik və təcrübəsinə əsasən müəyyən ediləcək;
- Rəsmi əmək müqaviləsi bağlanılır;
- Nahar şirkət tərəfindən təmin olunur;
- İş qrafiki: həftədə 5 iş günü;
- İş yeri: Balaxanı Sənaye Parkı (Koroğlu metro stansiyasından servis xidməti mövcuddur).
Vəzifəyə uyğun gördüyünüz namizədlər CV-lərini “Müraciət et” düyməsində qeyd olunan elektron poçt ünvanına göndərə bilərlər.
