Şirkət üzrə daxil olan sifarişlərin operativ idarə edilməsi, sənədlərin düzgün dövriyyəsinin təmin olunması, icra prosesinin izlənməsi və aidiyyəti tərəflərlə koordinasiyanın qurulması üçün məsul əməkdaş axtarılır. Vakansiya sifarişlərin bölgüsü, status nəzarəti, müştəri ilə əlaqə, sənədləşmə və hesabatların hazırlanması istiqamətində iş təcrübəsi olan namizədlər üçün uyğundur.
Vəzifə öhdəlikləri
- Sistemə daxil olan sifarişləri təhlil etmək, onları kateqoriya, xidmət ərazisi və icra tarixlərinə uyğun şəkildə bölüşdürmək.
- Sifarişlə bağlı müşayiətedici sənədləri çap etmək və təqdim edilən sənədlərin tamlığını yoxlamaq.
- Texnik və ustaların gündəlik iş bölgüsünü ərazilər üzrə təşkil etmək, zəruri hallarda işləri kənar xidmət göstərən usta və briqadalara yönləndirmək.
- Sifarişlərin gündəlik cari vəziyyətini sistem üzərindən izləmək, yeniləmək və ehtiyac yarandıqda müştərilərlə əlaqə saxlayaraq məlumat vermək.
- Natamam və ya çatışmayan məlumatların tamamlanması üçün müvafiq istiqamətlər üzrə yönləndirmə aparmaq.
- Təhvil verilmiş və icra edilməmiş sifarişləri sistemdə qeydiyyata almaq, sənədləri qəbul edib yoxlamaq və arxivləşdirmək.
- Digər şöbələrdən və prosesdə iştirak edən tərəflərdən daxil olan sorğulara əsasən sifarişlərə dair sənəd və məlumatları təqdim etmək.
- Məhsul, avadanlıq və ehtiyat hissələrinin vaxtında sifarişini təşkil etmək, qalıqları nəzarətdə saxlamaq, xammal tələbatını analiz etmək və uyğun sifarişləri hazırlamaq.
- Daxil olan müraciətləri, telefon zənglərini və elektron məktubları cavablandırmaq, araşdırmaq, həll etmək və aidiyyəti üzrə yönləndirmək, həmçinin işgüzar yazışmaları aparmaq.
- Tabeliyində olan əməkdaşlar üçün ezamiyyət və məzuniyyətlə bağlı, eləcə də nəqliyyat vasitələri üçün tələb olunan sənədlərin hazırlanması məqsədilə müraciətlər göndərmək.
- Birbaşa rəhbərin tapşırığı əsasında vəzifə ilə əlaqəli digər əməliyyatları yerinə yetirmək, hesabatları hazırlamaq və təqdim etmək.
Tələblər
- Ali təhsil; iqtisadiyyat, idarəetmə və ya texniki ixtisaslar üzrə təhsil arzuolunandır.
- Azərbaycan dilində sərbəst ünsiyyət bacarığı; rus dili biliyi üstünlük hesab olunur.
- Müvafiq istiqamət üzrə ən azı 1 il iş təcrübəsi.
- Xidmət göstərilən əraziləri yaxşı tanımaq.
- MS Office proqramlarında sərbəst işləmək bacarığı.
- Riyazi və məntiqi düşüncə bacarıqları.
- Analitik yanaşma və təhlil aparmaq qabiliyyəti.
- Punktuallıq və detallara diqqətlilik.
- Problem həll etmə bacarığı.
- Məsuliyyətli, dəqiq və təşəbbüskar yanaşma.
- Müstəqil qərar qəbul etmə bacarığı.
- Komandada işləmək bacarığı.
Vakansiya haqqında
- Vakansiya növü: Tam ştat.
Vakansiya aktiv deyil, son elanlara aşağıdan keçid edin
