Şirkətin sosial media kanallarında müştəri müraciətlərinin idarə edilməsi və onlayn kommunikasiya keyfiyyətinin yüksəldilməsi məqsədilə “SM üzrə kiçik mütəxəssis” vəzifəsi üzrə vakansiya elan olunur. Vəzifə sosial platformalarda monitorinq, operativ cavablandırma, müraciətlərin qeydiyyatı və nəticələrin izlənməsini əhatə edir.
Vəzifə öhdəlikləri
- Şirkətin rəsmi sosial media səhifələrini (Facebook, Instagram, TikTok, LinkedIn) izləyir, həmçinin #Bravo və @Bravo qeyd olunan paylaşımları, ictimai postları, istifadəçi hekayələrini, xəbər səhifələrini, bloqerləri, media nümayəndələrini və qapalı qrupları monitorinq edir.
- Müştərilərin mesaj və şərhlərinə təsdiqlənmiş kommunikasiya qaydalarına uyğun, operativ və dəqiq cavab verir, istifadəçilərlə müsbət ünsiyyət quraraq müştəri loyallığının güclənməsinə töhfə verir.
- Mürəkkəb və ya həssas müraciətləri aidiyyəti şöbələrə yönləndirir və məsələ yekun həll olunana qədər prosesin gedişatını izləyir.
- Müştəri rəylərini, şikayət və təkliflərini Contact Center sistemində qeydiyyata alır, kateqoriyalaşdırır və statusun izlənməsini təmin edir.
- Contact Center və Müştəri Təcrübəsi komandaları ilə birgə işləyərək bütün kanallarda vahid, müştəriyönümlü kommunikasiya yanaşmasının tətbiqinə dəstək verir.
- Müraciətlərə cavablanma müddəti, müştəri məmnuniyyəti və digər effektivlik göstəriciləri üzrə müəyyən edilmiş KPI-ların yerinə yetirilməsi üçün çalışır.
- Sosial media fəaliyyəti üzrə dövri hesabatların hazırlanmasına dəstək göstərir, əsas meyilləri, təkrarlanan mövzuları və müştəri əhvalını (sentiment) təhlil edir.
- Kommunikasiya standartlarının, cavab şablonlarının və tez-tez verilən sualların (FAQ) yenilənməsi və təkmilləşdirilməsi prosesində iştirak edir.
- Brendin sosial mediada çəkilmə hallarını izləyir, onlayn kommunikasiya standartlarına uyğunluğun qorunmasına diqqət yetirir, marketinq komandası ilə əməkdaşlıq edərək məzmunun brend üslubu və kommunikasiya məqsədləri ilə uyğunluğunu dəstəkləyir.
- Sosial media kommunikasiya proseslərinin keyfiyyətini və səmərəliliyini artırmaq üçün təkliflər irəli sürür.
- Müəyyən edilmiş xidmət standartlarına riayət edir və təyin olunmuş göstəricilərə (KPI-lara) nail olmaq məqsədilə gündəlik fəaliyyətini planlı şəkildə icra edir.
Tələblər
- Bakalavr dərəcəsi.
- Müştəri xidmətləri, sosial media idarəçiliyi və ya əlaqəli sahələr üzrə iş təcrübəsi.
- Azərbaycan dilində sərbəst yazılı və şifahi ünsiyyət, ingilis və ya rus dili orta səviyyədə.
- MS Office proqramlarında işləmə bacarığı.
- Yüksək ünsiyyət bacarıqları və müştəriyönümlü yanaşma.
- Analiz və problem həll etmə bacarığı.
- Komandada işləmə və əməkdaşlıq bacarığı.
Şərtlər
- Müqavilə müddəti: 6 ay.
- İş qrafiki: növbəli.
Vakansiya aktiv deyil, son elanlara aşağıdan keçid edin
