Bakubus şirkəti avtobus parkının təmizlik proseslərinə nəzarət edəcək Supervayzer vəzifəsi üzrə namizədlərin müraciətlərini qəbul edir. Bu vəzifə komanda idarəetməsi, keyfiyyətə nəzarət və təmizlik standartlarının təmin edilməsi sahəsində praktiki təcrübə tələb edir.
Vəzifə öhdəlikləri
- Avtobusların daxili hissələrinin – döşəmə, tavan, oturacaqlar, sürücü kabinəsi və digər sahələrin müəyyən edilmiş təmizlik standartlarına uyğun təmizlənməsinə gündəlik nəzarət etmək;
- Təmizlik işlərinin təsdiq edilmiş kimyəvi vasitələr, alət və avadanlıqlardan düzgün istifadə edilməklə, nəqliyyat vasitələrinə xələl gətirilmədən aparılmasını təmin etmək;
- Təmizlik vasitələrinin, alət və avadanlıqların daşınması, istifadəsi və saxlanılması zamanı müvafiq təlimatlara riayət olunmasına nəzarət etmək;
- Podratçı təşkilatlar tərəfindən avtobuslarda görülən təmizlik işlərinin keyfiyyətini yoxlamaq, aşkar olunan nöqsanlar barədə müvafiq struktura məlumat vermək;
- Komanda daxilində iş bölgüsünü təşkil etmək, tapşırıqların icra müddətinə və nəticəsinə nəzarəti həyata keçirmək;
- Birbaşa rəhbərin tapşırıqlarını müəyyən edilmiş vaxtda, dəqiq və lazımi keyfiyyətdə yerinə yetirmək;
- Əmək intizamı, daxili qayda-qanun və istehsalat təhlükəsizliyi normalarına uyğunluğu təmin etmək.
Namizədə olan tələblər
- Komandaya rəhbərlik etmək və iş bölgüsünü səmərəli şəkildə qurmaq bacarığı;
- Təmizlik proseslərinin planlaşdırılması, koordinasiyası və keyfiyyətə nəzarəti sahəsində anlayış;
- Yüksək məsuliyyət hissi, intizam və nəticəyə yönəlmiş iş tərzi;
- Operativ qərarlar qəbul etmək və yaranan problemləri vaxtında həll etmək bacarığı;
- Komanda ilə effektiv ünsiyyət qurmaq və birgə işləmək qabiliyyəti;
- İş prosesində dəqiqlik, diqqətlilik və keyfiyyətə nəzarət bacarığı;
- Gecə növbəsində işləmək imkanı;
- Stressə davamlılıq və sürətli reaksiya qabiliyyəti;
- Müvafiq sahədə iş təcrübəsi üstünlük kimi nəzərə alınacaq.
İş şəraiti
- İş qrafiki: növbəli iş rejimi;
- Peşəki inkişaf və karyera yüksəlişi üçün imkanlar;
- Əmək haqqı namizədin bilik və təcrübəsi nəzərə alınmaqla müsahibə mərhələsində razılaşdırılır.
Müraciət qaydası
Tələblərə cavab verən namizədlər CV-lərini cv@bakubus.az elektron poçt ünvanına göndərə bilərlər. Məktubun mövzu sətrində “Supervayzer” vəzifəsinin adını qeyd etmək zəruridir.
Qeyd: Yalnız vakansiya tələblərinə uyğun olan namizədlərlə əlaqə saxlanılacaq.
