Təhlükəsizlik sisteminin nəzarətçisi

Nargiz Mall, Crescent Mall və Gənclik Mall üçün Təhlükəsizlik sisteminin nəzarətçisi axtarılır.

Vəzifə haqqında

Təhlükəsizlik sisteminin nəzarətçisi vakansiyası üzrə namizəd təhlükəsizlik kameraları, müşahidə qeydləri və mağaza daxilində təhlükəsizlik prosedurlarına nəzarət edəcək.

İş yeri: Nargiz Mall, Crescent Mall, Gənclik Mall

İş qrafiki: 5 günlük, həftədə 40 saat

Namizədə tələblər

• Müvafiq sahə üzrə iş təcrübəsi;
• Orta ixtisas və ya ali təhsil;
• Təhlükəsizlik və müşahidə sistemləri ilə işləmək bacarığı;
• MS Office proqramlarında sərbəst işləmək bacarığı;
• Diqqətli, məsuliyyətli və operativ olmaq;
• Şübhəli vəziyyətləri və insidentləri vaxtında müəyyən edib bildirmək bacarığı;
• Məxfi məlumatların qorunması və informasiya təhlükəsizliyi qaydalarına əməl etmək;
• Komanda daxilində işləmək və effektiv ünsiyyət qurmaq bacarığı.

Arzu olunan üstünlüklər

• Pərakəndə satış sahəsində iş təcrübəsi;
• Təhlükəsizlik və itkilərin qarşısının alınması sahəsində təcrübə;
• Təhlükəsizlik kameraları və digər qoruma sistemləri ilə iş təcrübəsi;
• Hadisələrin araşdırılması və hesabatların hazırlanması təcrübəsi;
• İngilis dili biliyi.

Əsas vəzifələr

• Təhlükəsizlik kameralarını fasiləsiz izləmək, şübhəli fəaliyyət və qeyri-adi halları müəyyən edib dərhal rəhbərliyə məlumat vermək;
• Mağazada aşkar edilən qayda pozuntuları, insidentlər və digər uyğunsuzluqlar barədə vaxtında xəbər vermək;
• Sensormatic sistemlərinin və təhlükəsizlik qapılarının gündəlik yoxlanmasını aparmaq və işlək vəziyyətdə saxlanılmasına nəzarət etmək;
• Mağaza və anbar ərazilərində məhsullar üzərində təhlükəsizlik etiketlərinin düzgün yerləşdirilməsinə dair təsadüfi yoxlamalar aparmaq;
• Əməkdaşların şəxsi dolabları, şəxsi alış-verişləri, kassa əməliyyatları və digər aidiyyəti sahələr üzrə təsadüfi nəzarət həyata keçirmək;
• Təhlükəsizlik kameraları sisteminin gündəlik texniki vəziyyətini yoxlamaq;
• Sistem və avadanlıqlarda yaranan nasazlıqları dərhal İT şöbəsinə və rəhbərliyə bildirmək;
• Geri qaytarma, dəyişdirmə, məhsul sətrinin ləğvi və çekin ləğvi əməliyyatlarını gündəlik olaraq müşahidə kameraları vasitəsilə izləmək və yoxlamaq;
• Mağazanın açılışı, tullantıların çıxarılması, əməkdaşların yoxlanılması və malların qəbul edilməsi kimi vacib proseslərə nəzarət etmək;
• Bu proseslərin şirkətin daxili qaydaları və standartlarına uyğun icrasını təmin etmək;
• Təhlükəsizlik kameralarının görüntülərini, müşahidə qeydlərini, jurnalları və insident hesabatlarını düzgün şəkildə qeydiyyata almaq və saxlamaq;
• Lazım gəldikdə insidentlə bağlı sübutların toplanmasında iştirak etmək;
• Tələb olunduğu hallarda aidiyyəti məlumat və sübutların hüquq-mühafizə orqanlarına təqdim edilməsində iştirak etmək;
• Təhlükəsizlik kameralarından əldə olunan məlumatların və digər məxfi informasiyanın qorunmasını təmin etmək;
• Şirkətin daxili qaydalarına, prosedurlarına, etik davranış kodeksinə və təhlükəsizlik standartlarına riayət etmək;
• Əməkdaşlarla münasibətdə peşəkar davranış və qarşılıqlı hörmət prinsipinə əməl etmək;
• İşə davamiyyət və punktuallıq qaydalarına riayət etmək;
• Əməyin mühafizəsi, sağlamlıq və təhlükəsizlik standartlarına əməl etmək;
• Rəhbərlik tərəfindən vəzifə səlahiyyətləri çərçivəsində verilən digər tapşırıqları yerinə yetirmək.

Müraciət qaydası

CV-lərinizi mövzu hissəsində “Təhlükəsizlik sisteminin nəzarətçisi” qeyd etməklə Müraciət et düyməsində göstərilən elektron poçt ünvanına göndərə bilərsiniz.