Baş direktorun müavini vakansiyası üzrə müraciətlər qəbul olunur. Liman sahəsində təcrübəsi olan namizədlərə üstünlük verilir.
Vəzifə öhdəlikləri
- Baş direktorun göstəriş və tapşırıqlarına uyğun olaraq, Cəmiyyətin fəaliyyətinə aid bəzi məsələlər üzrə materialların araşdırılması, toplanması, öyrənilməsi və təhlilində iştirak etmək;
- Cəmiyyətin təsərrüfat fəaliyyətinə nəzarət etmək, maddi və maliyyə resurslarından səmərəli və məqsədyönlü istifadəni təmin etmək, itkilərin azalmasına və dövriyyə kapitalının dövriyyəsinin sürətlənməsinə dəstək vermək;
- Baş direktor üçün lazım olan məlumatları Cəmiyyətin struktur bölmələrindən toplamaq, tələb olunduqda əldə edilən məlumatları ümumiləşdirmək və sistemləşdirmək;
- Baş direktorun tapşırığı ilə Cəmiyyətin struktur bölmələrinin iclas və müşavirələrində iştirak etmək, nəticələr barədə Baş direktora yazılı və ya şifahi məlumat vermək;
- Baş direktorun qərarlarının icrasına nəzarəti həyata keçirmək;
- Əməliyyat sahəsinin nəticələrini, iş keyfiyyətinin aşağı düşmə səbəblərini təhlil etmək, aşkar olunan qüsurların aradan qaldırılması üçün tədbirlərin hazırlanması və tətbiqində iştirak etmək;
- Cəmiyyətdə yükaşırmalar üzrə əməliyyatların keyfiyyətinə nəzarətin gücləndirilməsi və bu istiqamətdə tədbirlərin həyata keçirilməsində iştirak etmək;
- İdarəetmə və əməliyyat sisteminin təkmilləşdirilməsinin təşkilini təmin etmək;
- Cəmiyyətdə biznes proseslərin tətbiqinə nəzarət etmək;
- Mövcud biznes proseslərin inkişafı və təkmilləşdirilməsi ilə bağlı təkliflər vermək;
- Cəmiyyətdə çalışan işçilər tərəfindən vəzifə öhdəliklərinin icrasına və hazırlıq səviyyəsinə daimi nəzarət etmək.
Tələb olunan bilik və bacarıqlar
- Ali təhsil;
- Müvafiq sahə üzrə təhsil üstünlük hesab olunur;
- İdarəetmə üzrə sertifikatların olması arzuolunandır;
- Müvafiq sahədə minimum 3 il iş təcrübəsi;
- Texniki heyətin idarə olunması və koordinasiyası sahəsində təcrübə;
- Azərbaycan dilini mükəmməl bilməli, ingilis və rus dilləri üstünlükdür;
- Microsoft Office proqramlarını yaxşı səviyyədə bilmək;
- Güclü kommunikasiya bacarığı, səlis və aydın nitq, həmçinin təqdimat qabiliyyəti.
Təklif olunur
- Şirkət tərəfindən təmin edilən nahar;
- Dinamik və inkişaf yönümlü iş mühiti.
Müraciət qaydası
Maraqlanan namizədlər Müraciət et düyməsində göstərilən link vasitəsilə müraciət edə bilərlər.
Ünvan: Bakı Beynəlxalq Dəniz Limanı
