İnsan resursları üzrə menecer

AZERA Holding insan resursları üzrə menecer vakansiyası üçün təcrübəli namizədləri müraciətə dəvət edir.

Əsas vəzifə öhdəlikləri

• Şirkətdə insan resurslarının idarə olunması proseslərini planlaşdırmaq, təşkil etmək və əlaqələndirmək;
• HR strategiyasının, daxili qaydaların və prosedurların hazırlanması, tətbiqi və təkmilləşdirilməsi prosesində iştirak etmək;
• İşçi ehtiyaclarını müəyyən etmək, vakansiyaları idarə etmək, namizəd seçimi və işə qəbul prosesini təşkil etmək;
• Əmək qanunvericiliyinin tələblərinə uyğun olaraq kadr inzibatçılığı və əmək münasibətlərinin düzgün aparılmasını təmin etmək;
• Əmək müqavilələri, işə qəbul, xitam, məzuniyyət, ezamiyyət və digər kadr sənədlərinin hazırlanmasına və rəsmiləşdirilməsinə nəzarət etmək;
• ƏMAS və digər müvafiq elektron sistemlər vasitəsilə kadr əməliyyatlarının vaxtında və düzgün icrasını təmin etmək;
• Yeni əməkdaşların adaptasiya prosesini təşkil etmək və izləmək;
• Performans qiymətləndirmə, motivasiya və mükafatlandırma sistemlərinin tətbiqində iştirak etmək;
• Əməkdaşların təlim və inkişaf ehtiyaclarını müəyyənləşdirmək, təlim planlarının hazırlanmasını və icrasını koordinasiya etmək;
• Təşkilati strukturun, ştat cədvəlinin və vəzifə təlimatlarının hazırlanması və yenilənməsində iştirak etmək;
• Kadr məlumat bazasının düzgün formalaşdırılmasını, yenilənməsini və məlumatların məxfiliyini təmin etmək;
• Əməkhaqqının hesablanması üçün lazım olan məlumatları hazırlamaq və aidiyyəti struktur bölmələrlə əlaqələndirmək;
• Əmək münasibətləri ilə bağlı yaranan məsələlərin və mübahisələrin qanunvericiliyə uyğun həllində iştirak etmək;
• HR göstəricilərini təhlil etmək, aylıq və dövri hesabatları hazırlayaraq rəhbərliyə təqdim etmək;
• HR proseslərinin optimallaşdırılması, rəqəmsallaşdırılması və effektivliyinin artırılması üçün təkliflər hazırlamaq.

Vəzifəyə dair tələblər

• Ali təhsil, üstünlük insan resurslarının idarə edilməsi, biznesin idarə edilməsi, iqtisadiyyat, maliyyə və ya uyğun sahələr üzrə olmalıdır;
• İnsan resurslarının idarə edilməsi sahəsində minimum 3 il iş təcrübəsi;
• Azərbaycan Respublikasının Əmək Məcəlləsi və aidiyyəti əmək qanunvericiliyi üzrə yaxşı biliklər;
• Kadr inzibatçılığı, işə qəbul, performansın idarə edilməsi və əmək münasibətləri üzrə praktiki təcrübə;
• ƏMAS və digər elektron kadr sistemləri ilə işləmək bacarığı;
• MS Office proqramlarından, xüsusilə Excel-dən yüksək səviyyədə istifadə etmək bacarığı;
• HR hesabatlarının hazırlanması və əsas HR göstəricilərinin təhlili üzrə biliklər;
• İngilis dili B2, rus dili B2 səviyyəsində bilik arzuolunandır.

Şəxsi keyfiyyətlər və bacarıqlar

• Liderlik və komanda ilə işləmək bacarığı;
• Güclü kommunikasiya və təşkilatçılıq qabiliyyəti;
• Analitik düşüncə və problem həll etmə bacarığı;
• Strateji yanaşma və təşəbbüskarlıq;
• Yüksək məsuliyyətlilik və detallara diqqət;
• Məxfi məlumatlarla işləmək və peşəkar etik prinsiplərə riayət etmək bacarığı;
• Çoxşaxəli tapşırıqları və prioritetləri səmərəli idarə etmək;
• Dinamik və yüksək iş tempinə uyğunlaşmaq bacarığı.

İş qrafiki

• Həftənin 5 günü, saat 09:00–18:00;
• Zərurət yarandıqda şənbə günü yarım iş günü.

AZERA Holding-in peşəkar komandasının bir hissəsi olmaq və insan resurslarının idarə edilməsi sahəsində inkişafımıza töhfə vermək istəyirsinizsə, CV-nizi mövzu hissəsində “İnsan resursları üzrə Menecer” qeyd etməklə Müraciət et düyməsində göstərilən elektron poçt ünvanına göndərə bilərsiniz.