Bakıda Data mühəndisi vakansiyasında ERP sistemi, DWH və ETL/ELT prosesləri ilə işləyərək məlumatların analitik istifadə üçün hazırlanması tələb olunur.
Vəzifənin məqsədi
AS Group-un ERP sistemi və korporativ ekosistemində məlumatların vahid, etibarlı və analitik məqsədlər üçün yararlı şəkildə formalaşdırılmasını təmin etmək. Data mühəndisi məlumat anbarının (DWH) qurulması və inkişafı, ETL/ELT proseslərinin hazırlanması, müxtəlif sistemlər arasında inteqrasiyaların təşkil edilməsi, həmçinin məlumat keyfiyyəti və sənədləşdirmə işlərinə cavabdeh olacaq.
İşin təsviri
- ERP modulları və digər mənbələr əsasında məlumat anbarının (DWH) layihələndirilməsi və inkişaf etdirilməsi;
- ETL/ELT məlumat axınlarının qurulması və izlənilməsi, məlumatların müntəzəm və dayanıqlı yüklənməsinin təmin edilməsi;
- ERP, korporativ portal və xarici məlumat mənbələri arasında inteqrasiyaların yaradılması;
- Raw, staging və data marts səviyyələrini əhatə edən məlumat modellərinin hazırlanması;
- BI və idarəetmə hesabatları üçün data marts hazırlanması və hesabatların avtomatlaşdırılması;
- Məlumat keyfiyyəti üzrə nəzarət mexanizmlərinin tətbiqi, tamlığın, dublikatların və konsistentliyin yoxlanılması;
- Vahid məlumat kataloqlarının və məlumat modellərinin formalaşdırılması, məlumat axınları və mənbələrin sənədləşdirilməsi;
- Proqnozlaşdırma və analitika üçün məlumat dəstlərinin hazırlanması;
- Məlumat yükləmələrinin monitorinqi, yaranan problemlərin müəyyən olunması və aradan qaldırılması;
- Biznes tələblərinin məlumat modellərinə və analitik həllərə çevrilməsi üçün biznes və analitika komandaları ilə əməkdaşlıq.
Tələb olunanlar
- İnformasiya Texnologiyaları, Kompüter Elmləri, Tətbiqi Riyaziyyat və ya əlaqəli sahələr üzrə ali təhsil;
- Məlumatların emalı və pipeline-ların hazırlanması üçün Python bilikləri;
- API və JSON/CSV/XML kimi məlumat formatları ilə işləmək bacarığı;
- Rus dilində sərbəst ünsiyyət və yazılı nitq; İngilis dili isə texniki sənədləri oxuma səviyyəsində.
Şəxsi keyfiyyətlər
- Müstəqil işləmək və tapşırığı nəticəyədək çatdırmaq bacarığı;
- Biznes ehtiyaclarını məlumat modeli və texniki həllə çevirmək bacarığı;
- Məlumatların keyfiyyətinə və detallara yüksək diqqət;
- Görülən işləri və məlumat strukturlarını sənədləşdirmək vərdişi;
- Komanda ilə effektiv əməkdaşlıq.
İş şərtləri
- İş qrafiki: 09:00–18:00;
- Məşğulluq növü: tam ştat / 5 iş günü;
- İş yeri: Zahid Xəlilov küç.576.
Biz təklif edirik
- Rəqabətli əmək haqqı;
- Stabil və peşəkar iş mühiti;
- AS Group-un rəqəmsallaşma komandasında çalışma imkanı;
- Data istiqamətinin sıfırdan qurulmasında iştirak və arxitekturaya təsir etmək imkanı;
- Güclü development komandası;
- Karyera və peşəkar inkişaf imkanları.
Müraciət
Vakansiya sizin üçün maraqlıdırsa, CV-nizi Müraciət et düyməsində göstərilən elektron poçt ünvanına göndərə bilərsiniz.
