Hüquqşünas

Şirkətimiz korporativ hüquqşünas vəzifəsi üzrə namizəd axtarır. Bu rol hüquqi ekspertiza, məhkəmə təmsilçiliyi və daxili sənədləşmə proseslərini əhatə edir. Bakıda tam ştatla çalışmaq üçün nəzərdə tutulmuş bu hüquqşünas vakansiyası üzrə aylıq əmək haqqı 1000 AZN təşkil edir.

Namizədə olan tələblər

• Hüquq üzrə ali təhsil; magistr dərəcəsi üstünlük sayılır
• Korporativ hüquq sahəsində 1-2 il iş təcrübəsi
• Azərbaycan Respublikasının Konstitusiyası, Mülki, Mülki Prosessual, İnzibati Prosessual, Əmək, İnzibati Xətalar Məcəllələri, Normativ hüquqi aktlar, İcra haqqında Qanun, Əmək Qanunvericiliyi və Beynəlxalq Qanunvericilik üzrə bilik
• Analitik düşüncə tərzi və məsələləri müstəqil həll etmə bacarığı
• Hüquqi nitq və peşəkar yazılı kommunikasiya qabiliyyəti
• Azərbaycan dili — əsas iş dili
• e-taxes.gov.az, e-mehkeme.gov.az, e-qanun.az portallarında işləmə bacarığı
• MS Word, Excel, PowerPoint və Outlook proqramlarında sərbəst istifadə
• Hüquqi sənədlərin sistemləşdirilməsi, aparılması və uçotu qaydalarına dair bilik

Əsas vəzifə öhdəlikləri

• Şirkətin struktur bölmələrində mövcud hüquqi problemlərin yerindəcə araşdırılması və işçilərin müvafiq qaydada təlimatlandırılması
• Mülki, əmək, vergi, inzibati və qanunvericiliyin digər sahələri üzrə hüquqi məsləhətlərin verilməsi
• Şirkətin hüquqi maraqlarının məhkəmələrdə, dövlət orqanlarında və özəl qurumlarda təmsil edilməsi; məhkəmə işlərinin və icra proseslərinin idarə edilməsi
• Daxili korporativ aktların, əmr, təlimat, prosedur-qayda və əsasnamələrin hazırlanmasında iştirak, həmçinin onların hüquqi ekspertizasının aparılması
• Hüquqi məsələlərə dair məktub, ərizə və şikayətlərə müəyyən edilmiş müddətlər daxilində cavab verilməsi
• Müəssisə adından bağlanan bütün əqdlərin hüquqi ekspertizadan keçirilməsi; qanuna və müəssisənin mənafelərinə uyğun müqavilələrin imzalanması və ya onlara dair yazılı rəyin verilməsi; zərərli əqdlərin tətbiqinin qarşısının alınması üçün rəhbərliyə əsaslandırılmış yazılı rəyin təqdim edilməsi
• Məhkəmə qərarlarının icrası prosesinin təmin edilməsi
• Müəssisənin fəaliyyətini tənzimləyən qanunvericiliyə edilən əlavə və dəyişikliklərin izlənməsi, müəssisənin maraqları baxımından təhlil edilməsi
• Fəaliyyət prosesində yaranan hüquqi məsələlərin həllinə dəstək verilməsi