“ATEF Şirkətlər Qrupu” MMC Bakı şəhərində fəaliyyət göstərən hüquq şöbəsi üçün Hüquqşünas vəzifəsi üzrə işçi axtarır. Bu vakansiya korporativ hüquq sahəsində təcrübəsi olan, məhkəmə proseslərində, dövlət qurumları ilə əlaqələrdə və müqavilə işlərində müəssisəni təmsil edə biləcək namizədlər üçün nəzərdə tutulub.
İş şəraiti
- İş yeri: Bakı şəhəri
- Əmək haqqı müsahibənin nəticəsinə əsasən müəyyən olunur
- Tam sosial təminat, o cümlədən illik məzuniyyət hüququ
- 5 günlük iş qrafiki
- Nahar fasiləsi: 12:00–13:00
- Nahar müəssisə tərəfindən qarşılanır
Vəzifə öhdəlikləri
- Azərbaycan Respublikasının müvafiq məhkəmələrində müəssisəni iddiaçı və ya cavabdeh qismində təmsil etmək
- Dövlət qurumları və qeyri-hökumət təşkilatları qarşısında müəssisənin hüquqi maraqlarının qorunmasını təmin etmək
- Müəssisənin fəaliyyət dairəsinə uyğun müqavilə layihələrini hazırlamaq, razılaşdırmaq və hüquqi ekspertizadan keçirmək
- Bağlanmış müqavilələrə əlavə və dəyişiklik təklifləri vermək
- Müxtəlif idarə və təşkilatlarla münasibətlərdə müəssisə adından çıxış edərək əqd layihələrinin hazırlanmasında iştirak etmək
- Mülki, mülki-prosessual, kommersiya, miqrasiya, əmək, inzibati və vergi qanunvericiliyinə uyğun sənədlərin tərtibi və rəsmiləşdirilməsi
- Qanunvericilikdəki dəyişiklikləri izləmək və müəssisə daxilində müvafiq məlumatlandırmanı təmin etmək
- Əcnəbi işçilər üçün iş icazəsi və qeydiyyat sənədlərinin, habelə ailə üzvləri üçün yaşayış icazəsinin əldə olunması prosesini Dövlət Miqrasiya Xidməti ilə əlaqələndirmək
- Alqı-satqı, podrat, xidmət və satınalma müqavilələrinin layihələrini hazırlamaq və icra müddətlərinə nəzarət etmək
- Dövlət orqanlarından, hüquqi və fiziki şəxslərdən daxil olan müraciətlərə baxmaq, araşdırma aparmaq və cavab məktublarının hazırlanmasında iştirak etmək
- Zərurət yarandıqda müəssisəni notariat, mediasiya, məhkəmə və digər icra qurumları qarşısında təmsil etmək
- Struktur bölmələrin müraciəti və ya rəhbərliyin tapşırığı əsasında hüquqi rəylərin hazırlanmasını təmin etmək
- Müəssisədaxili normativ sənədlərin və zəruri hüquqi aktların layihələndirilməsində iştirak etmək
- Struktur bölmələrə hüquqi dəstək göstərmək
- Rəhbərliyin tapşırığına uyğun olaraq fəaliyyət istiqamətinə aid digər tapşırıqları yerinə yetirmək
Namizədə tələblər
- Ali təhsil
- Korporativ hüquq sahəsində minimum 3 illik iş təcrübəsi
- Azərbaycan Respublikasının Mülki, Vergi, Gömrük və İnzibati Xətalar Məcəllələri, habelə əmək, mülki-prosessual, kommersiya, miqrasiya və inzibati qanunvericilik barədə dərin bilik
- Sahəyə aid hüquqi sənədləri müstəqil tərtib edə bilmək bacarığı
- Azərbaycan dilini əla səviyyədə bilmək, rus və ingilis dili biliyi üstünlükdür
- MS Office proqramlarında yüksək səviyyədə işləmək bacarığı
Şəxsi keyfiyyətlər
- Prinsipiallıq və hesabatlıq mədəniyyəti
- İş prosesini planlaşdıra bilmə bacarığı
- İşgüzar və hüquqi yazışma qabiliyyəti
- Ezamiyyətə çıxa bilmək imkanı
- Fəallıq və komanda daxilində işləmək bacarığı
Müraciət qaydası
Vəzifəyə müraciət etmək üçün CV-nizi elanda göstərilən “Müraciət et” düyməsi vasitəsilə elektron poçt ünvanına göndərə bilərsiniz. Məktubun mövzu hissəsində “Hüquqşünas” sözünü qeyd etməyiniz xahiş olunur.
