Şəmkir şəhərində hüquqşünas vakansiyası üzrə namizəd axtarılır. Vəzifə hüquqi sənədlərin yoxlanılması, müqavilələrin hazırlanması və Cəmiyyətin qanuni maraqlarının müdafiəsini əhatə edir.
Hüquqşünas vakansiyası üzrə vəzifə öhdəlikləri
- Cəmiyyətdə qüvvədə olan normativ aktların tələblərinin düzgün tətbiqinə nəzarət edilməsi.
- Cəmiyyətə aid qərar, əmr, sərəncam, əsasnamə, prosedur və digər sənədlərin icraya yönləndirilməzdən əvvəl qanunvericiliyə uyğunluğunun yoxlanılması və zərurət olduqda müvafiq qaydada razılığın bildirilməsi.
- Cəmiyyətdə hüquq pozuntusu faktı müəyyən edildiyi halda, onun aradan qaldırılması üçün rəhbərliklə birlikdə qanuni tədbirlərin görülməsinin təmin edilməsi.
- Mülki-hüquqi xarakterli müqavilələrin tərtib olunması, qarşı tərəfə təqdim edilən müqavilələrin qanunvericiliyə və Cəmiyyətin maraqlarına uyğunluğunun yoxlanılması.
- Cəmiyyətin fəaliyyəti ilə əlaqədar hüquqi şəxslərin dövlət qeydiyyatı, yenidən təşkili və ləğvi üçün tələb edilən sənədlər paketinin hazırlanması və icra prosesinin aparılması.
- Hüquqi şəxslərin təsis sənədlərindəki dəyişikliklərin və faktların sonrakı dəyişikliklərinin dövlət qeydiyyatına alınması üçün zəruri sənədlərin hazırlanması və icrasının təmin edilməsi.
- Kadr uçotu sənədlərinin qanunvericiliyin tələblərinə uyğun hazırlanmasına və dövriyyəsinə nəzarət edilməsi, bu istiqamətdə hüquqi məsləhət və məqsədəuyğun təkliflərin verilməsi.
- Cəmiyyətin maraqlarının lazımi səviyyədə qorunması məqsədilə etibarnaməli nümayəndə kimi məhkəmədə bütün zəruri prosessual imkanlardan istifadə edilməsi.
- Cəmiyyətə dəymiş maddi və mənəvi zərərin ödənilməsi üçün hüquqi vasitələrdən istifadə etməklə müvafiq tədbirlərin görülməsi.
- Tələb olunan hüquqi sənədlərin müəyyən edilmiş vaxtlarda dövlət və bələdiyyə orqanlarına təqdim edilməsi, həmin orqanlardan sənədlərin götürülməsi, müvafiq imzaların atılması və ehtiyac olduqda dövlət rüsumunun ödənilməsi.
- Cəmiyyətin fəaliyyəti ilə bağlı hüquqi məsləhətlərin, rəylərin və arayışların hazırlanıb təqdim edilməsi.
Namizədə tələblər
- Hüquq sahəsi üzrə ali təhsilin olması.
- Müvafiq istiqamətdə minimum 3 il iş təcrübəsinin olması.
- MS Office proqramları və 1C üzrə biliklərin olması.
- Azərbaycan dilini mükəmməl səviyyədə bilmək.
- Rus və ingilis dillərini bilmək arzuolunandır.
- Effektiv ünsiyyət qurmaq bacarığına malik olmaq.
- Komanda ilə işləmə bacarığının olması.
- Planlaşdırma, analiz aparma və idarəetmə bacarıqlarına sahib olmaq.
İş qrafiki və iş yeri
- İş qrafiki həftənin 5 günü, saat 09:00-dan 18:00-dəkdir.
- İş yeri Şəmkir şəhəridir.
Vakansiya aktiv deyil, son elanlara aşağıdan keçid edin
