Şirkətimiz Hüquqşünas vəzifəsi üzrə müvafiq təhsilə və təcrübəyə malik namizədləri işə dəvət edir. Bu vəzifə, öz peşəkar potensialını reallaşdırmaq, fərdi inkişafını davam etdirmək və bərabər imkanlar əsasında karyera qurmaq istəyən şəxslər üçün nəzərdə tutulmuşdur.
Vəzifə öhdəlikləri
- Hüquqi xarakter daşıyan daxil olan məktub və müraciətlərə cavablar hazırlamaq, onların müvafiq ünvanlara çatdırılmasını təmin etmək;
- Qərar, əmr, sərəncam, saziş və digər normativ sənədlərin mövcud qanunvericiliyə uyğunluğunu əvvəlcədən nəzərdən keçirmək, zəruri hallarda həmin sənədlərin hazırlanmasında iştirak etmək;
- Normativ hüquqi aktların tələbləri və Şirkətin fəaliyyəti çərçivəsində yaranan mübahisəli hüquqi məsələlər üzrə yazılı hüquqi şərhlər təqdim etmək;
- Müxtəlif növ daxili sənədlərin hazırlanması prosesinə fəal şəkildə cəlb olmaq;
- Müqavilələri və onlara əlavələri tərtib etmək, hüquqi baxımdan qiymətləndirmək və qanunvericiliyə uyğunluğunu yoxlamaq;
- Müqavilələr üzrə reyestrin aparılmasını və aktual vəziyyətdə saxlanılmasını təmin etmək;
- Dövlət qurumlarına, müvafiq təşkilat və idarələrə sorğuların hazırlanması, göndərilməsi və cavabların alınmasını həyata keçirmək;
- Birbaşa rəhbər tərəfindən tapşırılan digər vəzifəvi işləri yerinə yetirmək.
Namizədlərə tələblər
- Ali hüquq təhsili;
- Hüquq sahəsində ən azı 1-3 illik praktik iş təcrübəsi;
- Müqavilələr hüququ üzrə iş təcrübəsinin olması;
- Güclü analitik düşüncə və məlumatları təhlil etmə bacarığı;
- MS Office proqram paketini (xüsusilə Word, Excel və PowerPoint) sərbəst səviyyədə istifadə etmək bacarığı;
- Azərbaycan dilini mükəmməl, İngilis dilini orta səviyyədə bilmək.
İş şəraiti
- Həftə içi 5 günlük iş qrafiki;
- İş saatları: 09:00 – 18:00;
- İş yeri: N.Nərimanov rayonu, Əhməd Rəcəbli küçəsi 1/3.
Vakansiya aktiv deyil, son elanlara aşağıdan keçid edin
