İcraçı direktor (kafe/restoran sahəsi)

Bakı şəhərində fəaliyyət göstərən VMF Kafe premium kafe-restoran şəbəkəsi komandasına təcrübəli və liderlik keyfiyyətlərinə malik İcraçı Direktor axtarışındadır.

İşin təsviri

Bu vakansiya çərçivəsində seçiləcək namizəd kafenin gündəlik əməliyyatlarına rəhbərlik edəcək, komanda idarəçiliyini həyata keçirəcək və qonaq məmnuniyyətinin ən yüksək səviyyədə saxlanılmasına məsul olacaq. Vəzifənin əsas hədəfi xidmət keyfiyyətinin qorunması və müəyyən edilmiş maliyyə göstəricilərinə nail olunmasıdır.

Vəzifə öhdəlikləri

• Kafenin bütün operativ proseslərinin idarə olunması və koordinasiyası
• Xidmət standartlarına, sanitar-gigiyenik qaydalara və təhlükəsizlik normalarına riayət olunmasının təmin edilməsi
• Aylıq, rüblük və illik satış planlarının icrasına nəzarət
• Xidmətçi, barista və mətbəx işçilərinin iş qrafiklərinin tərtibi, komandanın motivasiya olunması
• Xidmət keyfiyyətinin artırılması məqsədilə daxili təlimlərin təşkili
• Ərzaq, içki və avadanlıq ehtiyatlarının tədarükü, saxlanılması və düzgün istifadəsinə nəzarət
• Maliyyə hesabatlarının təhlili, food cost və labor cost göstəricilərinin optimallaşdırılması
• Müştəri şikayət və təkliflərinin operativ həlli yolu ilə qonaq sadiqliyinin gücləndirilməsi
• Marketinq və PR tədbirlərinin kafe daxilində düzgün tətbiqinin təmin edilməsi
• Dövlət qurumları və kənar tərəfdaşlarla şirkət maraqlarına uyğun əlaqələrin qurulması

Namizədə tələblər

• Ali təhsil (Biznesin idarə edilməsi, Menecment və ya Turizm/Mehmanxana sahəsi üzrə təhsil üstünlükdür)
• Kafe, restoran və ya HoReCa sektorunda rəhbər vəzifədə minimum 3-5 illik iş təcrübəsi
• Azərbaycan və Rus dillərində sərbəst danışıq bacarığı, İngilis dili bilgisi əlavə üstünlük sayılır
• Güclü liderlik bacarığı, komanda idarəçiliyi və insan resursları ilə iş təcrübəsi
• Büdcə planlaması, maliyyə hesabatlılığı və gəlirlilik təhlili sahəsində bilik
• Problemləri həll etmək, stresli şəraitdə işləmək və tez qərar vermək qabiliyyəti
• MS Office proqramlarında (xüsusilə Excel) və R-Keeper, iiko kimi restoran idarəetmə sistemlərində iş təcrübəsi

Şirkət tərəfindən təklif olunanlar

• Azərbaycanın öndə gedən şirkətlər qrupunda karyera inkişafı imkanı
• Performansa əsaslanan aylıq və rüblük bonus sistemi
• Azərbaycan Respublikasının Əmək Qanunvericiliyinə uyğun rəsmi işə qəbul
• Korporativ nömrə və kafe daxilində müəyyən xidmətlərdən ödənişsiz və ya güzəştli istifadə imkanı

Necə müraciət etmək olar

Tələblərə uyğun olan və komandamıza qoşulmaq istəyən namizədlər CV-lərini “Müraciət et” düyməsində qeyd olunan elektron poçt ünvanına, mövzu hissəsində “İcraçı Direktor” qeyd edərək göndərə bilərlər. Əlavə suallarınız üçün 050-257-80-36 nömrəsi ilə əlaqə saxlaya bilərsiniz.