İnsan resursları üzrə mütəxəssis

Mint Services MMC Bakı üzrə insan resursları mütəxəssisi vakansiyası təqdim edir. HR sənədləşmə, kadr əməliyyatları və əmək qanunvericiliyi üzrə təcrübəsi olan namizədlər müraciət edə bilərlər.

Vəzifə öhdəlikləri

• Əmək qanunvericiliyinə, daxili qayda və prosedurlara əsasən işə qəbul, işdən çıxarma, vəzifə dəyişikliyi, transfer və digər kadr əməliyyatlarının həyata keçirilməsi;
• İşçilərə aid bütün kadr sənədlərinin hazırlanması, qeydiyyatı və arxivləşdirilməsinin təmin olunması;
• İşçi məlumatlarında baş verən dəyişikliklərin müvafiq dövlət portallarına vaxtında və düzgün daxil edilməsi;
• Əmək kitabçalarının qeydiyyatının aparılması, yeni əmək kitabçalarının açılması və ehtiyac yarandıqda doldurulması;
• Məzuniyyət qrafikinin hazırlanması, məzuniyyətlərin izlənməsi və uçotunun aparılması;
• İşçilərin müraciətlərinə əsasən arayış, xasiyyətnamə və digər rəsmi sənədlərin tərtib edilməsi;
• Əcnəbi əməkdaşlarla bağlı miqrasiya sənədlərinin hazırlanması, izlənməsi və proseslərin koordinasiya olunması;
• Miqrasiya icazələri, qeydiyyat və digər zəruri sənədlərin müddətlərinə nəzarət edilməsi və yenilənmənin təşkili;
• Gündəlik davamiyyətin, yəni tabelin izlənməsi, tabel məlumatlarının hazırlanması və aidiyyəti üzrə təqdim edilməsi;
• HR hesabatlarının hazırlanaraq rəhbərliyə təqdim olunması;
• İşçi intizamı, daxili qaydalar və əmək münasibətləri ilə bağlı məsələlərin operativ həllinə dəstək verilməsi.

Namizədə dair tələblər

• Ali təhsil, idarəetmə, biznesin təşkili və ya əlaqəli sahə üzrə olması üstünlükdür;
• İnsan resursları sahəsində minimum 3-4 il iş təcrübəsi;
• Azərbaycan Respublikasının Əmək Məcəlləsini yaxşı səviyyədə bilmək;
• MS Office proqramlarında, xüsusilə MS Excel-də yaxşı işləmək bacarığı;
• Azərbaycan dilində səlis danışıq, xarici dil biliyi üstünlükdür;
• Güclü ünsiyyət, təşkilatçılıq və koordinasiya bacarığı;
• Komandada işləmək və eyni zamanda müstəqil qərar vermək bacarığı;
• Məsuliyyətli, təşəbbüskar, detallara diqqətli və operativ olmaq;
• Çoxşaxəli iş mühitində işləmək bacarığı;
• Motivasiyalı, öyrənməyə açıq və təşəbbüskar olmaq arzu edilir.

İş şəraiti

• İş saatları: 09:00 – 18:00;
• Nahar fasiləsi: 13:00-14:00;
• İstirahət günləri: Şənbə, Bazar;
• İş yeri: Bakı şəhəri, Globus Center;
• Nahar şirkət tərəfindən təmin edilir;
• Azərbaycan Respublikası Əmək Q. əsasən rəsmiləşdirilmə;
• Əmək haqqı: 900 AZN.

Müraciət qaydası

Uyğun namizədlər öz CV-lərini “İnsan resursları üzrə mütəxəssis” başlığı ilə Müraciət et düyməsində göstərilən elektron poçt ünvanına göndərə bilərlər.