Bakı üzrə insan resursları departamenti analitiki vakansiyasında HR analitikası, büdcə nəzarəti və hesabatların hazırlanması üzrə peşəkar namizəd axtarılır.
Vəzifə öhdəlikləri
- HR büdcəsinin hazırlanması, icrasına nəzarət edilməsi, plan-fakt müqayisəsinin aparılması və kənarlaşmaların səbəblərinin müəyyənləşdirilməsi.
- Əməkhaqqı fondu, işçi sayı və digər HR xərcləri üzrə təhlillərin aparılması və proqnozların hazırlanması.
- Aylıq, rüblük və illik HR hesabatlarının tərtib edilməsi.
- HR üzrə əsas fəaliyyət göstəricilərinin, yəni KPI-ların müəyyənləşdirilməsində iştirak, onların hesablanması və daimi izlənilməsi.
- İşə qəbul, işçi sayı, əməkhaqqı və işçi axını göstəricilərinin təhlili, əsas meyillərin və dəyişiklik səbəblərinin aşkarlanması.
- Vəzifələrin dərəcələndirilməsi sisteminin strukturunun və metodologiyasının hazırlanmasına, eləcə də tətbiqinə dəstək verilməsi.
- Performansın idarə edilməsi sisteminin hazırlanması və tətbiqi zamanı analitik dəstəyin göstərilməsi, aidiyyəti tərəflərin lazım olan məlumat və hesabatlarla təmin edilməsi.
- Vəzifə yüksəlişi təkliflərinin toplanması və qiymətləndirilməsi, onların büdcəyə və əsas HR göstəricilərinə təsirinin təhlili.
- İdarə Heyəti və rəhbərliyin strateji qərarlarının dəstəklənməsi üçün analitik hesabatların, təqdimatların, interaktiv dashboardların və əsaslandırılmış təkliflərin hazırlanması.
- HR proseslərinin effektivliyinin qiymətləndirilməsi və inkişafı üçün məlumatlara əsaslanan təkliflərin verilməsi.
- HR layihələri və təşəbbüsləri üzrə maliyyə hesablamalarının aparılması, gözlənilən xərclərin və büdcəyə təsirin dəyərləndirilməsi.
- HR məlumatlarının düzgünlüyünün, tamlığının və mənbələr üzrə uyğunluğunun yoxlanılması, hesabatlarda vahid hesablama metodologiyasının tətbiqinə nəzarət edilməsi.
- Məlumat emalı və hesabat hazırlanması proseslərinin avtomatlaşdırılmasında iştirak edilməsi.
Tələblər
- İqtisadiyyat, maliyyə, statistika, biznesin idarə edilməsi, insan resurslarının idarə edilməsi və ya əlaqəli sahələr üzrə ali təhsil.
- Analitika, maliyyə planlaşdırılması, büdcə nəzarəti və ya HR analitikası sahəsində 1 ildən 3 ilə qədər iş təcrübəsi.
- Excel üzrə yüksək səviyyədə bilik, mürəkkəb formullarla işləmək, pivot cədvəllər və Power Query istifadə etmək bacarığı.
- SQL və Power BI üzrə praktiki bilik mütləqdir, Power BI-da məlumat modelləri və interaktiv hesabatlar hazırlamaq bacarığı.
- Böyük həcmli məlumatları strukturlaşdırmaq, təhlil etmək və nəticələri aydın şəkildə təqdim etmək bacarığı.
- Büdcələşdirmə, proqnozlaşdırma, plan-fakt təhlili və maliyyə göstəriciləri ilə işləmə bacarığı.
- HR göstəriciləri və KPI-ların hesablanması, izahı və təhlili prinsipləri barədə bilik.
- Vəzifələrin dərəcələndirilməsi və performansın idarə edilməsi sistemləri barədə bilik arzuolunandır.
- Analitik nəticələri biznes baxımından şərh etmək və əsaslandırılmış təkliflər hazırlamaq bacarığı.
- Hesabat və təqdimat hazırlamaq, nəticələri müxtəlif maraqlı tərəflərə aydın şəkildə çatdırmaq bacarığı.
- Azərbaycan dilini yüksək səviyyədə bilmək, rus və ingilis dillərini bilmək arzuolunandır.
- Güclü analitik düşüncə, detallara diqqət, məsuliyyət və sistemli iş yanaşması.
- Əməkdaşların şəxsi və əməkhaqqı məlumatlarının məxfiliyinə riayət etmək.
Vakansiya növü
Tam ştat
Müraciət qaydası
Maraqlanan namizədlər Müraciət et düyməsində göstərilən link vasitəsilə müraciət edə bilərlər.
