İnsan resursları inkişafı üzrə mütəxəssis

Bakıda İnsan resursları inkişafı üzrə mütəxəssis axtarılır.

SAT Group komandasına qoşulun!

Şirkətimiz 12 ildir insan kapitalının inkişafı, korporativ təlim, konsaltinq və müasir HR həlləri istiqamətində fəaliyyət göstərir. Bu müddətdə 1,700+ şirkətlə əməkdaşlıq etmişik.

Hazırda komandamıza həm müasir HR və qiymətləndirmə platformasının müştərilərə təqdimatını və satışını həyata keçirəcək, həm də Dövlət Məşğulluq Agentliyi ilə birgə aparılan gənclərin inkişafı və işlə təminatı layihəsini idarə edəcək mütəxəssis tələb olunur.

Bu rol HR, satış və layihə idarəetməsinin kəsişməsində karyera qurmaq istəyənlər üçün nəzərdə tutulub.

Əsas vəzifələr

• Müasir HR və assessment alətləri, o cümlədən Nartio platforması ilə işləməyi öyrənmək;
• Potensial müştərilərin ehtiyaclarını müəyyən etmək;
• Müştərilərə uyğun həllər təqdim etmək və demo keçmək;
• Hazırkı müştərilərlə əlaqələri gücləndirmək və təkrar satış imkanlarını izləmək;
• Satış komandası ilə birgə yeni müştərilərin cəlb edilməsi və satış prosesinin idarə olunmasında iştirak etmək.

Burada əsas yanaşma məhsulu sadəcə tanıtmaq deyil, müştərinin problemini anlayaraq uyğun həll təklif etməkdir.

Dövlət Məşğulluq Agentliyi ilə layihə

SAT Group bu layihə çərçivəsində 400-dən çox gəncin hazırlanmasına və işlə təmin olunmasına dəstək verib.

• İşsiz gənclərin cəlb olunması və seçimini təşkil etmək;
• Namizədlərlə müsahibələr aparmaq;
• DMA ilə sənədləşmə və koordinasiyanı həyata keçirmək;
• Təlim qruplarının formalaşdırılmasını və təlim prosesini təşkil etmək;
• Məzunların işlə təmin olunması prosesini izləmək;
• Layihənin əsas nəticələrini və göstəricilərini idarə etmək.

Bu vəzifə üçün vacib səriştələr

• Kommunikasiya və təqdimat bacarığı;
• Nəticəyə yönəlmiş yanaşma;
• Analitik düşüncə;
• Öyrənməyə çeviklik;
• Prioritetləşdirmə və vaxtın düzgün idarə olunması;
• Təsir göstərmək və inandırmaq bacarığı;
• Komanda ilə işləmək bacarığı.

Tələblər

• 25–35 yaş aralığı;
• Ali təhsil;
• HR, Recruitment, Talent Management, L&D, B2B satış və ya biznes inkişafı sahələrindən birində minimum 2 il təcrübə;
• Güclü ünsiyyət və insanlarla işləmək bacarığı;
• Nəticəyönümlü və təşəbbüskar olmaq;
• Birdən çox prosesi paralel şəkildə idarə edə bilmək;
• CRM və MS Office / Google Workspace bilikləri;
• Azərbaycan dilində səlis danışıq və yazı bacarığı;
• İngilis dili biliyi üstünlük sayılır.

Nartio və digər HR alətlərini əvvəlcədən bilmək məcburi deyil. Əsas gözlənti yeni məhsul və prosesləri sürətlə öyrənmək və onları müştəri ehtiyacları ilə əlaqələndirməkdir.

Biz nə təklif edirik?

• 1,000 AZN sabit əmək haqqı + bonuslar;
• Satış və biznes inkişafı üzrə praktiki təcrübə;
• İdarəetmə və biznes yönümlü təlimlərdə iştirak;
• Müasir HR və assessment alətləri ilə işləmək imkanı;
• 1,700+ şirkətlə işləmək təcrübəsi;
• Peşəkar və karyera inkişafı imkanları.

İş şəraiti

• İş qrafiki: 09:00–18:00
• İş formatı: Tam iş günü
• İş yeri: Bakı

Bu vakansiya kimlər üçündür?

Əgər siz HR və satışın birləşdiyi sahədə inkişaf etmək, insanlarla işləmək, müasir HR texnologiyalarını öyrənmək və real biznes nəticələri yaratmaq istəyirsinizsə, SAT Group komandasına dəvətlisiniz.

CV-nizi Müraciət et düyməsində göstərilən elektron poçt ünvanına göndərin və mövzu hissəsində “İnsan Resursları İnkişafı üzrə Mütəxəssis” qeyd edin.

SAT Group — İnkişaf et, çox qazan!