İnsan resursları şöbəsi üzrə mütəxəssis

İnsan resursları şöbəsi üzrə mütəxəssis vakansiyası üçün müraciətlər qəbul olunur.

Vəzifə öhdəlikləri

• Şöbənin Əsasnaməsinə uyğun müəyyən edilmiş funksiyaların icrasını təmin edir;
• Əmək qanunvericiliyinə əsasən kadr sənədləşməsi işlərini həyata keçirir, o cümlədən işə qəbul, vəzifədən azad etmə, başqa iş yerinə keçirilmə, vəzifə yüksəlişi və digər aidiyyəti prosesləri rəsmiləşdirir;
• Şöbədə kargüzarlıq işlərini qanunvericiliyə uyğun şəkildə aparır, əməkdaşların şəxsi işlərini formalaşdırır və saxlayır;
• İnsan resurslarının idarə olunmasına dair normativ sənədlərin hazırlanmasında iştirak edir;
• Kadrların seçilməsi və düzgün yerləşdirilməsi prosesini təşkil edir;
• Kadr axınını təhlil edir və ehtiyac olduqda ehtiyat işçi bazası üçün məlumatları təqdim edir;
• Yeni əməkdaşların adaptasiya tədbirlərinin həyata keçirilməsində iştirak edir;
• Daxili intizam qaydalarına əməl olunmasına nəzarət edir;
• İşçilərin əmək fəaliyyətinin və peşəkarlıq səviyyəsinin qiymətləndirilməsi ilə bağlı tapşırıqları yerinə yetirir, tələb olunan materialları hazırlayır və qiymətləndirmə prosesinin təşkilində iştirak edir;
• İşçilərin inkişafı və təlimi, həmçinin mükafatlandırma və motivasiya tədbirlərinin həyata keçirilməsi ilə bağlı üzərinə düşən vəzifələri icra edir;
• Məzuniyyətlərin uçotunu aparır, məzuniyyətlərin təsdiqlənmiş qrafik üzrə vaxtında istifadəsinə nəzarət edir;
• Kadr hesabatlarını və iş vaxtının uçotu tabellərini tərtib edir;
• Kadr məsələləri üzrə əmr və göstəriş layihələrini əmək qanunvericiliyinə uyğun hazırlayır;
• İnsan resurslarının informasiya sisteminə (1C və s.) və elektron hökumət portalına əmək müqavilələri, uzadılmalar, əlavələr və dəyişikliklər, xitam, yerdəyişmə və işçi hərəkəti barədə məlumatları daxil edir, qeydiyyatı vaxtında aparır, çıxarışların uçotunu və arxivləşdirilməsini həyata keçirir;
• Şöbənin qarşısında duran vəzifələrin icrası üçün səlahiyyətləri daxilində digər struktur bölmələrdən zəruri məlumat və sənədlərin alınması məqsədilə müraciətlər edir;
• Şöbəyə daxil olan ərizə, müraciət, təklif və şikayətlərin araşdırılması və cavablandırılmasında iştirak edir;
• İşçilərin performans göstəricilərinin ölçülməsi və qiymətləndirilməsi prosesində iştirak edir;
• Şöbə müdiri tərəfindən verilən tapşırıq və vəzifələri yerinə yetirir;
• Şöbə müdirinin tapşırığı əsasında hesabatlar, arayışlar və məlumatlar hazırlayır;
• Şöbənin Əsasnaməsinə uyğun olaraq üzərinə düşən vəzifələrin icrası üçün qanunvericiliklə qadağan edilməyən digər zəruri işləri həyata keçirir.

Tələblər

• Ali təhsil (İnsan Resursları və Biznesin idarə olunması sahələri üzrə təhsil üstünlükdür);
• Müvafiq sahədə 1-3 il iş təcrübəsi;
• Yaş həddi: 25-40;
• MS Office proqramları və avtomatlaşdırılmış əməliyyat sistemlərində səriştəli iş bacarığı, 1C (8.3 UPP) proqramı üzrə təcrübə arzuolunandır;
• Azərbaycan dilini səlis bilməli, rus və ingilis dilləri arzuolunandır;
• Kadr sənədləşməsi üzrə bilik və bacarıq (əmrlər, şəxsi işlər və s.);
• Adaptasiya, qiymətləndirmə və inkişaf proseslərinin təşkili sahəsində təcrübə;
• Əməkhaqqı, məzuniyyət, ezamiyyə xərcləri və iş vaxtının uçotu üzrə əsas biliklər;
• Analitik düşünmə və hesabat hazırlama bacarığı;
• İşçilərin performans göstəricilərinin ölçülməsi və qiymətləndirilməsi üzrə iş təcrübəsi;
• Rəqəmlərlə işləmə bacarığı;
• Fikri düzgün ifadə etmə və savadlı yazı qabiliyyəti;
• Komandada işləmək bacarığı.

Digər məlumatlar

• Əmək bazarına uyğun rəqabətli əmək haqqı və mükafatlandırma.
• İş yerinin ünvanı: Bakı şəhəri, Üzeyir Hacıbəyov küçəsi, 84.

Vakant vəzifə ilə maraqlanan namizədlər CV-lərini Müraciət et düyməsində qeyd olunan elektron poçt ünvanına göndərə bilərlər. Müraciətin mövzu hissəsində mütləq şəkildə vakansiyanın adını (İnsan resursları şöbəsi – Mütəxəssis) qeyd edin.