Daşkəsəndə insan resursları üzrə mütəxəssis vakansiyası üçün namizəd axtarılır. Bu vəzifə əmək münasibətlərinin idarə olunması, kadr sənədləşməsi və uçot proseslərini əhatə edir.
Vəzifə öhdəlikləri
- Əmək qanunvericiliyinə uyğun şəkildə işə qəbul, işdən azad etmə, vəzifə dəyişiklikləri, mükafatlandırma və digər əmək münasibətləri ilə bağlı prosesləri icra etmək;
- Əmək kitabçalarını düzgün formada doldurmaq və yeniləmək;
- Əməkdaşların şəxsi işlərinin hazırlanmasını, qeydiyyatının aparılmasını və düzgün saxlanılmasını təmin etmək;
- Əməkdaşların ad günləri, bayramlar və digər məlumatlandırıcı elektron məktubların vaxtında göndərilməsini təmin etmək;
- Gün ərzində əməkdaşlar tərəfindən alınan bütün icazələrin qeydiyyatını aparmaq;
- Əmrlərin çapa hazırlanmasını, imzaya təqdim edilməsini və düzgün nömrələnməsini təmin etmək;
- İnsan resurslarının idarə olunması şöbəsinin prosedurlarının hazırlanmasında, mövcud prosedurlara dəyişikliklərin edilməsində və yenilənmiş versiyaların struktur bölmələrlə razılaşdırılmasında iştirak etmək;
- Əməkdaşların məzuniyyət uçotunun hazırlanmasına dəstək vermək, mövcud məzuniyyət qalıqlarının aylıq yenilənməsində iştirak etmək, məzuniyyət əmrlərinin verilməsini və rəsmiləşdirilməsini təmin etmək, uçot məlumatlarının dəqiqliyinə nəzarət etmək;
- Əməkdaşlar üzrə məzuniyyət qalıqlarının səmərəli idarə olunması üçün aylıq nəzarət aparmaq, əməkdaşları qalıqlar barədə mütəmadi məlumatlandırmaq və qalıqların vaxtında istifadə edilməsinə dair zəruri tədbirlərin görülməsini təmin etmək;
- Cəmiyyətin əməkdaşları arasında əməkdaşlıq və motivasiyanın artırılması məqsədilə team building və digər korporativ tədbirlərin planlaşdırılmasında, təşkilində və icrasında iştirak etmək və dəstək olmaq;
- Xəstəlik vərəqələrinin işlənilməsində və sosial məzuniyyətlərin rəsmiləşdirilməsində iştirak etmək və dəstək vermək;
- Hər ayın sonunda əməkdaşların iş vaxtı və davamiyyət məlumatlarını əks etdirən tabelin hazırlanmasına və onun vaxtında maliyyə şöbəsinə təqdim olunmasına dəstək olmaq;
- Ezamiyyət, məzuniyyət, xəstəlik vərəqələri və tərtib olunan əmrlərə dair məlumatların qeydiyyatını aparmaq;
- Dəmir filizi sahəsində vətəndaşlarla keçirilən görüşlərdə iştirak etmək və zəruri dəstəyi təmin etmək;
- Struktur bölmə rəhbərlərindən əməkdaşların aylıq iş qrafiklərini toplamaq və uçotun aparılmasına dəstək vermək;
- İşə qəbul prosesində iştirak etmək və işə qəbula aid əməliyyat və sənədləşmə işlərini yerinə yetirmək;
- Rəhbərlik tərəfindən verilən, vəzifə təlimatına uyğun göstəriş və tapşırıqları birbaşa rəhbəri məlumatlandırmaqla icra etmək.
Namizədə tələblər
- Ali təhsil;
- İnsan resursları sahəsində minimum 1-2 il iş təcrübəsi;
- Komanda ruhu, təşkilatçılıq, ünsiyyət, münasibətlərin qurulması, şəxsi və peşəkar inkişaf, hesabat yazma bacarığı;
- Azərbaycan dili üzrə yüksək səviyyədə bilik, rus və ingilis dilləri üzrə bilik arzuolunandır;
- Microsoft Office proqramlarından yüksək səviyyədə istifadə bacarığı.
İş şəraiti
- İş yeri: Daşkəsən şəhəri;
- 5 günlük iş rejimi (bazar ertəsi – cümə);
- İş vaxtı: seçimə əsasən (08:00-17:00);
- Servislə təmin olunma;
- Nahar yeməyi ilə təmin olunma.
Müraciət qaydası
Göstərilən tələblərə uyğun namizədlərdən xahiş olunur ki, CV-lərini mövzu hissəsində “İnsan resursları üzrə mütəxəssis” qeyd etməklə və minimum əmək haqqı tələbini göstərərək Müraciət et düyməsində göstərilən elektron poçt ünvanına göndərsinlər.
Yalnız ilkin seçim meyarlarına uyğun olan namizədlərlə əlaqə saxlanılacaq.
