Daşkəsən şəhərində İnsan resursları üzrə mütəxəssis vəzifəsi üzrə vakansiya elan olunur. İnsan resursları, əmək münasibətləri və sənədləşmə sahəsində təcrübəsi olan namizədlər müraciət edə bilər.
Vəzifə öhdəlikləri
- Əmək qanunvericiliyinə uyğun şəkildə işə qəbul, işdən azad etmə, vəzifə dəyişikliyi, mükafatlandırma və digər əmək münasibətləri proseslərini həyata keçirmək;
- Əmək kitabçalarını düzgün formada doldurmaq və mütəmadi yeniləmək;
- Əməkdaşların şəxsi işlərinin hazırlanmasını, qeydiyyatının aparılmasını və düzgün saxlanılmasını təmin etmək;
- Əməkdaşların doğum günləri, bayramlar və digər məlumatlandırıcı elektron məktubların vaxtında göndərilməsini təmin etmək;
- Gündəlik olaraq işçilər tərəfindən alınan bütün icazələrin qeydiyyatını aparmaq;
- Əmrlərin çapını, imzaya təqdim olunmasını və düzgün nömrələnməsini təmin etmək;
- İnsan resurslarının idarə olunması şöbəsinin prosedurların hazırlanmasında, mövcud prosedurların dəyişdirilməsində və yenilənmiş versiyaların struktur bölmələrlə razılaşdırılmasında iştirak etmək;
- Əməkdaşların məzuniyyət uçotunun hazırlanmasına dəstək vermək, mövcud məzuniyyət qalıqlarının aylıq yenilənməsində iştirak etmək, məzuniyyət əmrlərinin verilməsini və rəsmiləşdirilməsini təmin etmək, uçot məlumatlarının doğruluğunu izləmək;
- Əməkdaşlar üzrə məzuniyyət qalıqlarının səmərəli idarə olunması üçün aylıq nəzarəti həyata keçirmək, əməkdaşları qalıqlar barədə mütəmadi məlumatlandırmaq və onların vaxtında istifadəsi üçün zəruri tədbirlərin görülməsinə dəstək olmaq;
- Şirkət əməkdaşları arasında əməkdaşlıq və motivasiyanın artırılması məqsədilə team building və digər korporativ tədbirlərin planlaşdırılmasında, təşkilində və icrasında iştirak etmək;
- Xəstəlik vərəqələrinin işlənilməsi və sosial məzuniyyətlərin rəsmiləşdirilməsində iştirak etmək və dəstək göstərmək;
- Hər ayın sonunda əməkdaşların iş vaxtı və davamiyyət məlumatlarını əks etdirən tabelin hazırlanmasına və onun maliyyə şöbəsinə vaxtında təqdim olunmasına dəstək vermək;
- Ezamiyyət, məzuniyyət, xəstəlik vərəqələri və tərtib olunan əmrlərlə bağlı məlumatların qeydiyyatını aparmaq;
- Dəmir filizi sahəsində vətəndaşlarla keçirilən görüşlərdə iştirak etmək və zəruri dəstəyi təmin etmək;
- Struktur bölmə rəhbərlərindən əməkdaşların aylıq iş qrafiklərini toplamaq və uçotun aparılmasına dəstək olmaq;
- İşə qəbul prosesində iştirak etmək, işə qəbul ilə bağlı əməliyyat və sənədləşmə işlərini yerinə yetirmək;
- Rəhbərlik tərəfindən verilən və vəzifə təlimatına uyğun olan tapşırıqları birbaşa rəhbəri məlumatlandırmaqla icra etmək.
Namizədə tələblər
- Ali təhsil;
- İnsan resursları sahəsində minimum 1-2 il iş təcrübəsi;
- Komanda ruhu, təşkilatçılıq, ünsiyyət qurma, münasibətlərin formalaşdırılması, şəxsi və peşəkar inkişaf, hesabat yazma bacarığı;
- Azərbaycan dilini yüksək səviyyədə bilmək, rus və ingilis dilləri üzrə biliklərin olması arzuolunandır;
- Microsoft Office proqramlarından yüksək səviyyədə istifadə bacarığı.
İş şəraiti
- İş yeri: Daşkəsən şəhəri;
- Zəruri hallarda ezamiyyə imkanları;
- 5 günlük iş qrafiki (bazar ertəsi – cümə);
- İş vaxtı: 08:00-17:00;
- Servislə təmin olunma;
- Nahar yeməyi ilə təmin olunma.
Müraciət qaydası
Göstərilən tələblərə uyğun namizədlərdən xahiş olunur ki, CV-lərini mövzu hissəsində “İnsan resursları üzrə mütəxəssis” qeyd etməklə və minimum əmək haqqı tələblərini göstərərək Müraciət et düyməsində qeyd olunan elektron poçt ünvanına göndərsinlər.
Yalnız ilkin seçim mərhələsinin tələblərinə uyğun gələn namizədlərlə əlaqə saxlanılacaq.
