İnsan resursları və inzibati işlər üzrə menecer

Bakı şəhərində İnsan resursları və inzibati işlər üzrə menecer vakansiyası üzrə elanı təqdim olunur. Bu vəzifə HR prosesləri, işə qəbul və inzibati işlərin koordinasiyasını əhatə edir.

İş şəraiti

• İşəgötürən: Eden Agro MMC
• Struktur: İnsan resursları və inzibati işlər departamenti
• Birbaşa rəhbər: İnsan resursları və inzibati işlər departamentinin rəhbəri
• İş yeri: Bakı şəhəri, Park View Biznes Mərkəzi
• İş qrafiki: 5 günlük iş həftəsi, 09:00-18:00

Eden Agro MMC, Azərşəkər MMC-nin törəmə şirkəti kimi müasir aqrotexniki yanaşmalar və yüksək məhsuldarlıq standartları əsasında bitkiçilik və istehsal proseslərini həyata keçirir.

Azərşəkər MMC ölkənin aparıcı aqrar-sənaye qruplarından biri olaraq kənd təsərrüfatı, emal və istehsal sahələrində fəaliyyət göstərir.

Vəzifə öhdəlikləri

• İnsan Resursları, İşə Qəbul və İnzibati işlər funksiyalarının gündəlik fəaliyyətini təşkil və koordinasiya etmək, nəticələr barədə Departament rəhbərinə hesabat vermək.
• İnsan Resursları və İnzibati işlər üzrə cari və gələcək ehtiyacların müəyyən edilməsində, fəaliyyət və işçi qüvvəsi planlarının hazırlanmasında iştirak etmək və təkliflər vermək.
• Tabeliyində olan əməkdaşların iş bölgüsünü və prioritetlərini müəyyənləşdirmək, tapşırıqların vaxtında və keyfiyyətlə icrasına nəzarət etmək.
• İşə qəbul, vəzifə və struktur dəyişiklikləri, əmək haqqı dəyişiklikləri, işdən azad olunma və digər kadr hərəkətlərinin qanunvericiliyə və şirkətin daxili qaydalarına uyğun sənədləşdirilməsini təmin etmək.
• Şəxsi heyətin uçotunun, şəxsi işlərin, arayışların, mükafatlandırma, intizam və digər HR sənədlərinin düzgün hazırlanmasına, saxlanılmasına və aktual qalmasına nəzarət etmək.
• Şirkətin işçi qüvvəsi tələbatının müəyyənləşdirilməsində iştirak etmək, təsdiqlənmiş tələbat əsasında işə qəbul planının hazırlanmasını və icrasını təşkil etmək.
• İşə Qəbul funksiyasını koordinasiya etmək, vakansiyaların prioritetləşdirilməsini, namizədlərin axtarışını və seçimini, müsahibələrin təşkili, iş təkliflərinin verilməsi və işə qəbul proseslərinin vaxtında icrasını təmin etmək.
• Yeni əməkdaşların adaptasiya prosesini idarə etmək, əməkdaşların təlim və inkişaf ehtiyaclarının müəyyənləşdirilməsində və müvafiq tədbirlərin təşkilində iştirak etmək.
• Məzuniyyət, ezamiyyət və digər işdə olmama hallarının uçotunu və sənədləşdirilməsini, həmçinin əmək və icra intizamı üzrə proseslərin düzgün aparılmasını təmin etmək.
• HR göstəricilərini, o cümlədən işə qəbul müddəti, namizəd keyfiyyəti, işçi dövriyyəsi və digər əsas göstəriciləri təhlil etmək, dövri hesabatların hazırlanmasını və HR sistemlərində məlumatların düzgünlüyünü təmin etmək.
• Şirkətin inzibati fəaliyyətini idarə etmək, ofis və digər fəaliyyət sahələrinin mal-material, inventar, avadanlıq, nəqliyyat, rabitə, kommunal, təsərrüfat və digər inzibati xidmətlərlə təmin olunmasını, eləcə də təchizatçı və podratçıların fəaliyyətini koordinasiya etmək.
• İnsan Resursları və İnzibati işlər üzrə proseslərin effektivliyini qiymətləndirmək, standartlaşdırma, avtomatlaşdırma və təkmilləşdirmə təklifləri hazırlamaq, qanunvericiliyə və şirkətin daxili qaydalarına riayət etmək, xidməti və şəxsi məlumatların məxfiliyini qorumaq.

Vəzifə tələbləri

• İnsan Resursları sahəsində minimum 5 il, rəhbər vəzifədə isə ən azı 3 il iş təcrübəsi.
• Ali təhsil; İnsan Resursları, Biznesin İdarə Edilməsi, Menecment və ya əlaqəli sahələr üzrə üstünlükdür.
• Azərbaycan Respublikasının əmək qanunvericiliyi üzrə yaxşı bilik.
• Kadr kargüzarlığı və HR sənədləşməsi.
• İşə qəbul və müsahibə metodları.
• Adaptasiya və işçi inkişafı prosesləri.
• Performansın qiymətləndirilməsi prinsipləri.
• Əmək intizamının idarə edilməsi.
• İnzibati və təsərrüfat proseslərinin təşkili.
• MS Office proqramlarını, xüsusilə Excel-i (Power Query, Pivot Table, Power Pivot və mürəkkəb maliyyə modelləri) yüksək səviyyədə bilmək.
• Analitik düşünmə, strateji planlaşdırma və qərarvermə bacarığı.
• Komandanın idarə edilməsi, əməkdaşların inkişafı və funksiyalararası komandalarla effektiv əməkdaşlıq bacarığı.
• Sıx iş qrafiki və qısa müddətli tapşırıqlar şəraitində prioritetləri düzgün müəyyənləşdirərək nəticəyönümlü fəaliyyət göstərmək bacarığı.
• Yüksək məsuliyyətlilik, məxfilik prinsiplərinə riayət, dəqiqlik, təşəbbüskarlıq və liderlik keyfiyyətləri.
• Azərbaycan dilini səlis, ingilis dilini yaxşı səviyyədə bilmək; rus dili biliyi üstünlükdür.

Biz təklif edirik

• Rəqabətli əməkhaqqı və performansa əsaslanan bonus sistemi
• Korporativ tibbi sığorta paketi
• Peşəkar və liderlik inkişaf proqramları
• Beynəlxalq və yerli təlimlərdə iştirak imkanı
• Karyera yüksəlişi və qrup daxilində rotasiya imkanları
• Böyük miqyaslı aqrar-sənaye layihələrində iştirak imkanı
• Dinamik və strateji idarəetmə mühitində çalışma fürsəti
• Qrupdaxili xüsusi güzəştlərdən istifadə imkanı