NW Construction şirkəti öz İT komandası üçün Kiçik İT Mütəxəssisi vəzifəsi üzrə müvafiq bilik və təcrübəyə malik namizədlər axtarır. Bu vəzifə həm istifadəçi dəstəyi, həm də infrastrukturun saxlanılması ilə bağlı geniş spektrli texniki məsuliyyətləri əhatə edir.
Vəzifə Öhdəlikləri
- ITSM platforması və Ticketing System üzərindən daxil olan müraciətlərin müntəzəm izlənməsi, müəyyən edilmiş müddətlər çərçivəsində yerinə yetirilməsi və rəsmi yazılı kommunikasiyanın aparılması;
- Desktop, noutbuk və mobil cihazlar daxil olmaqla endpoint avadanlıqların idarə edilməsi; SSD, RAM, klaviatura kimi komponentlərin zərurət yarandıqda dəyişdirilməsi;
- Windows 11 və macOS əməliyyat sistemlərindəki texniki nasazlıqların həlli, sistem sazlanması və performansın optimizasiyası;
- Microsoft Office 2016 və 2021 paketinin (Outlook, Teams, SharePoint, OneDrive və digər komponentlər) konfiqurasiyası və istifadəçi dəstəyinin təmin edilməsi;
- Tikinti sektorunda tətbiq olunan mühəndislik və dizayn proqram təminatlarının (AutoCAD, SketchUp, Adobe Creative Suite və s.) quraşdırılması, lisenziyaların idarə edilməsi, plagin yeniləmələrinin həyata keçirilməsi və optimallaşdırılması;
- Şəbəkə administrasiyası çərçivəsində IP ünvanlama, DNS, DHCP, VLAN konfiqurasiyası, LAN/WAN problemlərinin aradan qaldırılması kimi əsas əməliyyatların icrası;
- Strukturlaşdırılmış kabelləmə sistemi (SCS) üzrə Cat5/6 kabel xətlərinin çəkilməsi, patch panel quraşdırılması, krimpləmə və test işlərinin aparılması;
- Active Directory və Group Policy vasitəsilə istifadəçi hesablarının yaradılması, silinməsi, şifrə yenilənməsi, qruplara əlavə edilməsi və resurslara giriş icazələrinin idarə edilməsi;
- Backup və bərpa sistemlərinin idarə olunması – istifadəçi faylları, e-poçt məlumatları və server resurslarının etibarlı ehtiyat nüsxələrinin hazırlanması və bərpasının təmin edilməsi;
- Endpoint Security həlləri və antivirus proqramlarının (Bitdefender, Kaspersky, ESET və s.) idarə edilməsi, vaxtında yenilənməsi və təhlükəsizlik insidentlərinin izlənməsi;
- Printerlər, MFP qurğuları, proyektorlar, şəbəkə avadanlıqları və digər periferik cihazlarla iş;
- İT avadanlıqlarının inventarizasiyasının aparılması və IT Asset Management proseslərinin dəstəklənməsi;
- ISO/IEC 27001 və digər informasiya təhlükəsizliyi standartlarına uyğun daxili qaydaların icrasına nəzarət edilməsi və son istifadəçilərin maarifləndirici tədbirlərlə dəstəklənməsi.
Namizədə Olan Tələblər
- Windows 11 əməliyyat sistemi üzrə dərin texniki bilik və praktik təcrübə;
- macOS mühitinə dair orta səviyyədə texniki anlayış;
- Xerox Versalink, AltaLink seriyası, HP printer və plotterlərlə işləmə bacarığı;
- HP və Lenovo noutbuklarının əsas fiziki nasazlıqlarının müstəqil şəkildə aradan qaldırılması bacarığı;
- Microsoft Office tətbiqləri (Word, Excel, Outlook və s.) üzrə funksional istifadəçi bilikləri;
- Qrafik və arxitektura proqram təminatlarının quraşdırılması sahəsində praktik təcrübə;
- Active Directory ilə işin baza səviyyəsindəki biliyi;
- Lokal şəbəkə mühitlərində iş təcrübəsi və kabelləmə işləri üzrə ilkin praktiki bacarıq;
- Komanda mühitinə uyğunlaşma qabiliyyəti və istifadəçilərlə səmərəli ünsiyyət qurmaq bacarığı;
- Texniki sənədləşmə ilə işləmə bacarığı, məsuliyyətli və detallara diqqətli yanaşma;
- Müvafiq sahədə minimum 5 il iş təcrübəsi;
- Azərbaycan, İngilis və Rus dillərini texniki bilik səviyyəsində bilmək.
Vakansiya aktiv deyil, son elanlara aşağıdan keçid edin
